ఢిల్లీలోని ఒక రద్దీగా ఉండే రోడ్డుపై, ఒక యువతి తన తల్లి కళ్లముందే ప్రియుడితో కలిసి పారిపోతున్న షాకింగ్ దృశ్యం ఎక్స్ (X) సోషల్ మీడియా వేదికగా వెలుగులోకి వచ్చింది.
రోడ్డుపై వెళ్తున్న ఒక వ్యక్తి తన సెల్ ఫోన్‌తో ఈ దృశ్యాన్ని చిత్రీకరించారు. ఆ యువతి తన ప్రియుడితో కలిసి రోడ్డుపై పరుగెత్తుతుంటే, ఆమెను అడ్డుకోలేక ఆ తల్లి నిస్సహాయ స్థితిలో వారి వెంటే పరుగెత్తడం చూసేవారిని కలచివేస్తోంది.
ఈ వీడియో ప్రస్తుతం సోషల్ మీడియాలో వైరల్ అవుతుండటంతో, నెటిజన్లు ఆ తల్లి పరిస్థితిని చూసి ఆవేదన వ్యక్తం చేస్తున్నారు. ఎంతో ఆశగా పెంచుకున్న కూతురు, ఇలా నడిరోడ్డుపై తనను ఒంటరిని చేసి వెళ్ళిపోవడాన్ని చూసి ఆ తల్లి కుప్పకూలిపోయిన తీరు అందరినీ కన్నీరు పెట్టిస్తోంది. ఈ సంఘటన ఇంటర్నెట్‌లో పెద్ద చర్చకు దారితీసింది.