సోషల్ మీడియా: ప్రస్తుతం సోషల్ మీడియాలో ఒక ఆసక్తికరమైన వీడియో వైరల్ అవుతోంది. సాధారణంగా గ్రామీణ ప్రాంతాల్లో గుర్రపు బండ్లు, ఎడ్ల బండ్లు లేదా ఒంటె బండ్లను మనం చూస్తుంటాం. కానీ, ఈ వీడియోలో ఒక చిన్నారి నాలుగు కుక్కలు లాగుతున్న చెక్క బండిపై స్వారీ చేస్తూ అందరినీ ఆశ్చర్యపరుస్తున్నాడు.
ఈ వీడియో ప్రారంభంలో ఒక సాధారణ చెక్క బండి కనిపిస్తుంది. కెమెరా కొంచెం ముందుకు వెళ్ళగానే, ఆ బండికి నాలుగు కుక్కలు కట్టబడి ఉండటం కనిపిస్తుంది. ఆ కుక్కలు ఏమాత్రం తొందరపడకుండా, చాలా నిదానంగా బండిని లాగుతున్నాయి. బండిపై కూర్చున్న ఆ బాలుడు ఏమాత్రం భయం లేకుండా, ముఖంలో ఎంతో ఆనందంతో ఆ స్వారీని ఎంజాయ్ చేస్తున్నాడు.
ఈ వింత దృశ్యాన్ని చూసిన పాదచారులు ఆశ్చర్యపోయి, తమ మొబైల్ ఫోన్లలో వీడియోలు తీయడం మొదలుపెట్టారు. ఇన్స్టాగ్రామ్లో షేర్ చేయబడిన ఈ వీడియోను ఇప్పటికే వేలాది మంది లైక్ చేశారు. “ఇక గుర్రపు బండ్ల కాలం చెల్లిపోయింది, ఇది కుక్కల బండ్ల కాలం” అంటూ నెటిజన్లు సరదాగా కామెంట్లతో హోరెత్తిస్తున్నారు.