స్మార్ట్‌ఫోన్ పిచ్చితో ఒక చిన్నారి చేసిన విపరీత చర్య ప్రస్తుతం ఇంటర్నెట్‌ను వణికిస్తోంది. ఎవరితోనూ మాట్లాడకుండా, ఎటువంటి అంతరాయం లేకుండా ఫోన్ వాడుకోవడం కోసం ఆ చిన్నారి తనను తాను గదిలో పెట్టి తాళం వేసుకుంది.
చాలా సేపటి వరకు తల్లిదండ్రులు తలుపు తట్టినా, ఎంత బ్రతిమాలినా ఆ చిన్నారి తలుపు తీయలేదు. దీంతో తీవ్ర ఆందోళన చెందిన కుటుంబ సభ్యులు, వేరే దారి లేక గదికి ఆనుకుని ఉన్న గోడను మనుషులతో పగలగొట్టించి, ఆ రంధ్రం ద్వారా లోపలికి వెళ్లి చిన్నారిని సురక్షితంగా బయటకు తీసుకువచ్చారు.
ఈ షాకింగ్ ఘటనకు సంబంధించిన పూర్తి వీడియో ప్రస్తుతం ‘ఎక్స్’ (X) వేదికగా దావానలంలా వ్యాపిస్తోంది. గోడను పగలగొడుతున్న ఆ దృశ్యాలు, ఆ తర్వాత చిన్నారి స్థితి చూస్తుంటే ఎవరికైనా ఒళ్లు గగుర్పొడుస్తుంది. డిజిటల్ పరికరాలకు పిల్లలు ఏ స్థాయికి బానిసలవుతున్నారో చెప్పడానికి ఈ ఘటనే నిదర్శనం. పిల్లలకు ఫోన్ ఇచ్చే విషయంలో తల్లిదండ్రులు ఎంత జాగ్రత్తగా ఉండాలో ఈ వైరల్ వీడియో మరోసారి గుర్తు చేస్తోంది.