లక్నో: మండుతున్న ఎండల ధాటికి ప్రజలు చేసే కొన్ని వింత పనులు సోషల్ మీడియాలో నవ్వులను, అదే సమయంలో తీవ్ర దిగ్భ్రాంతిని కలిగిస్తున్నాయి.
ఈ క్రమంలో, ఉత్తరప్రదేశ్లోని లక్నో, లాల్బాగ్ ప్రాంతంలోని ఒక ఎస్బీఐ (SBI) ఏటీఎం సెంటర్లో జరిగిన ఘటనకు సంబంధించిన వీడియో ఇప్పుడు సోషల్ మీడియాలో దావానంలా వ్యాపిస్తోంది. అక్కడ ఉన్న తీవ్రమైన ఎండ మరియు ఉక్కపోత నుండి ఉపశమనం పొందాలని భావించిన ఇద్దరు వ్యక్తులు, ఏటీఎం సెంటర్లోని ఏసీ గాలి కోసం కేవలం లోదుస్తులతో (Underwear) లోపలికి ప్రవేశించారు. డబ్బు తీసుకునే ఒక బహిరంగ ప్రదేశాన్ని, తమ సొంత పడకగదిలా భావించి వారు అక్కడ నిలబడిన తీరు చూసి అందరూ ఆశ్చర్యపోయారు.
“ఎండల తీవ్రత భరించలేకనే ఇలా చేశారు” అని నెటిజన్లు కొందరు ఈ వీడియోను చూసి నవ్వుకుంటున్నా, మరోవైపు ఇది భారీ భద్రతా లోపమని పలువురు ఆందోళన వ్యక్తం చేస్తున్నారు. ఏటీఎం వంటి కీలకమైన ప్రజా సదుపాయాలను ఇలా దుర్వినియోగం చేయడం చట్టరీత్యా నేరం కాదా? అక్కడ సెక్యూరిటీ, సీసీటీవీ పర్యవేక్షణ ఏమైంది? అని నెటిజన్లు ప్రశ్నిస్తున్నారు. ఈ వైరల్ వీడియో వెనుక ఉన్న వాస్తవాలను ఇంకా పూర్తిగా నిర్ధారించనప్పటికీ, ఏటీఎం సెంటర్ల భద్రతను పెంచాలనే చర్చ ఇప్పుడు ఇంటర్నెట్లో పెద్ద ఎత్తున జరుగుతోంది.