ప్రపంచం చాలా పెద్దది. విదేశీ ప్రయాణాలంటే సుదీర్ఘమైన విమాన ప్రయాణాలు, ముగింపు లేని రోడ్డు ట్రిప్పులు, అలసిపోయే షెడ్యూళ్లు గుర్తొస్తాయి. కానీ, ప్రపంచంలో కొన్ని దేశాలు మాత్రం ఇందుకు భిన్నం. ఇక్కడ సరిహద్దులు దాటడానికి వాహనాలు అక్కర్లేదు, కాలినడకన వెళ్తే సరిపోతుంది. ఈ దేశాలు మ్యాప్‌లో చిన్నవిగా కనిపించినా, సంస్కృతి మరియు చరిత్రలో చాలా గొప్పవి.
ఒక రోజంతా ఓపికగా నడిస్తే, ఈ దేశాల్లోని ముఖ్యమైన ప్రదేశాలన్నీ చూసేయవచ్చు. ఆ 8 దేశాలు ఇవే:
- వాటికన్ సిటీ (Vatican City)
ఇది ప్రపంచంలోనే అతిచిన్న దేశం. దీని వైశాల్యం కేవలం 0.44 చదరపు కిలోమీటర్లు. సిద్ధాంతపరంగా మీరు గంటలోపు దేశం మొత్తం నడిచేయవచ్చు. కానీ ఇక్కడి సెయింట్ పీటర్స్ బాసిలికా, సిస్టీన్ చాపెల్ వంటి అద్భుతమైన కళాఖండాలను చూడటానికి మీకు సమయం సరిపోదు. విశేషమేమిటంటే, ఈ దేశంలో సొంత ఆసుపత్రి గానీ, విమానాశ్రయం గానీ లేవు. - మొనాకో (Monaco)
రెండు చదరపు కిలోమీటర్ల కంటే తక్కువ విస్తీర్ణం ఉన్న మొనాకో, విలాసానికి మారుపేరు. ఇక్కడ రాజభవనాలు, క్యాసినోలు మరియు ఫార్ములా వన్ రేస్ ట్రాక్ ఉంటాయి. ఒక పక్కన పాతకాలపు అందాలు, మరోపక్క ఆధునికతతో ఈ దేశం పర్యాటకులను అలరిస్తుంది. - నౌరు (Nauru)
21 చదరపు కిలోమీటర్ల వైశాల్యం కలిగిన నౌరు, ప్రపంచంలోనే అతిచిన్న ద్వీప దేశం. దేశం చుట్టూ ఒకే ఒక తీరప్రాంత రహదారి ఉంటుంది. ఒకప్పుడు ఫాస్ఫేట్ గనుల వల్ల అత్యంత ధనిక దేశంగా వెలిగిన నౌరు, ప్రస్తుతం ప్రశాంతమైన వాతావరణానికి కేరాఫ్ అడ్రస్. - తువాలు (Tuvalu)
26 చదరపు కిలోమీటర్ల వైశాల్యం గల ఈ దేశం పసిఫిక్ మహాసముద్రంలో ఒక అందమైన కలలా కనిపిస్తుంది. ఇక్కడ పెద్ద పెద్ద కట్టడాలు ఏమీ ఉండవు, కానీ అందమైన బీచ్‌లు, గ్రామీణ జీవనం మిమ్మల్ని ఆకట్టుకుంటాయి. ప్రపంచంలో అతి తక్కువ మంది పర్యాటకులు సందర్శించే దేశాల్లో ఇది ఒకటి. - సాన్ మారినో (San Marino)
ఇటలీ చుట్టూ ఆవరించి ఉండే ఈ దేశం ప్రపంచంలోని పురాతన గణతంత్ర రాజ్యాలలో ఒకటి. దీని వైశాల్యం 61 చదరపు కిలోమీటర్లు. మౌంట్ టిటానో పైన ఉండే ఈ దేశం పాతకాలపు కోటలు, రాతి బురుజులతో ఒక అద్భుతమైన చారిత్రక ప్రదేశంలా అనిపిస్తుంది. - లీచ్టెన్‌స్టెయిన్ (Liechtenstein)
స్విట్జర్లాండ్, ఆస్ట్రియా మధ్య ఉండే ఈ దేశం 160 చదరపు కిలోమీటర్ల విస్తీర్ణం కలిగి ఉంటుంది. ఇక్కడ విమానాశ్రయం కానీ, సొంత సైన్యం కానీ ఉండవు. పర్వత ప్రాంత అందాలు, మ్యూజియంలతో ఈ దేశం పర్యాటకులకు మంచి అనుభూతిని ఇస్తుంది. - మార్షల్ ఐలాండ్స్ (Marshall Islands)
181 చదరపు కిలోమీటర్ల విస్తీర్ణం గల ఈ దేశం పగడపు దీవులకు ప్రసిద్ధి. రెండవ ప్రపంచ యుద్ధం తాలూకు ఆనవాళ్లు ఇక్కడ స్పష్టంగా కనిపిస్తాయి. ఒకే రోజులో ఇక్కడి ప్రధాన ప్రాంతాలను సందర్శించవచ్చు. - సెయింట్ కిట్స్ అండ్ నెవిస్ (Saint Kitts and Nevis)
261 చదరపు కిలోమీటర్ల వైశాల్యంతో ఈ జాబితాలో ఇది పెద్ద దేశం. ఈ కరేబియన్ దేశం ప్రకృతి అందాలు మరియు వలసరాజ్యాల చరిత్ర కలయికగా ఉంటుంది.