నేటి కాలంలో గూగుల్ మన జీవితంలో ఒక భాగమైపోయింది. ఏదైనా సమాచారం కోసం వెతకడమే కాకుండా, డాక్యుమెంట్లు, ఆటలు, వినోదం ఇలా ప్రతిదానికీ గూగుల్‌ని వాడుతున్నాం. అయితే, గూగుల్ తన యూజర్లను ఆశ్చర్యపరచడానికి అప్పుడప్పుడు “Easter Eggs” అని పిలిచే కొన్ని రహస్య ఫీచర్లను విడుదల చేస్తూ ఉంటుంది. అందులో భాగంగానే ఇప్పుడు సోషల్ మీడియాలో ’67’ అనే నంబర్ వైరల్ అవుతోంది.
గూగుల్‌లో “67” అని సెర్చ్ చేస్తే ఏం జరుగుతుంది? మీరు మీ మొబైల్ లేదా కంప్యూటర్ బ్రౌజర్‌లో గూగుల్ ఓపెన్ చేసి సెర్చ్ బాక్స్‌లో “67” అని టైప్ చేసి ‘Enter’ నొక్కగానే, మీ స్క్రీన్ ఒక్కసారిగా కొన్ని సెకన్ల పాటు గజగజ వణికినట్లుగా ఊగుతుంది. ఈ హఠాత్పరిణామానికి చాలా మంది యూజర్లు.. “నా ఫోన్ ఏమైంది?”, “డిస్‌ప్లే పాడైపోయిందా?” అని కంగారు పడుతున్నారు.
కంగారు పడకండి – ఇది కేవలం ఒక సరదా ఫీచర్ మాత్రమే! ఇది మీ ఫోన్ హార్డ్‌వేర్ సమస్య గానీ లేదా సాఫ్ట్‌వేర్ లోపం గానీ కాదు. ఇది పూర్తిగా గూగుల్ సృష్టించిన ఒక జోక్. ఇంటర్నెట్‌లో ప్రస్తుతం ట్రెండింగ్‌లో ఉన్న “Brainrot” లేదా “Shaking Meme” కల్చర్‌ని బేస్ చేసుకుని గూగుల్ ఈ ఫీచర్‌ను డిజైన్ చేసింది. కాబట్టి మీ స్క్రీన్ ఊగితే భయపడాల్సిన అవసరం లేదు.
ఇది సురక్షితమేనా? అవును, ఇది పూర్తిగా సురక్షితం. ఈ ‘స్క్రీన్ షేక్’ ఎఫెక్ట్ కేవలం కొన్ని సెకన్ల పాటు ఉండి, ఆ తర్వాత ఆటోమేటిక్‌గా స్క్రీన్ మామూలు స్థితికి వచ్చేస్తుంది. ఒకవేళ అది అలాగే ఉంటే, పేజీని Refresh చేస్తే సరిపోతుంది.
మీరు కూడా ట్రై చేయాలనుకుంటున్నారా?
- మీ మొబైల్ లేదా ల్యాప్‌టాప్‌లో గూగుల్ యాప్ లేదా వెబ్‌సైట్ తెరవండి.
- సెర్చ్ బార్‌లో 67 అని టైప్ చేసి సెర్చ్ చేయండి.
- వెంటనే మీ స్క్రీన్ కొన్ని సెకన్ల పాటు అదిరినట్లుగా ఊగుతుంది.
ఇలాంటి మరిన్ని గూగుల్ ట్రిక్స్: గూగుల్‌లో ఇలాంటివి చాలా ఉన్నాయి. ఉదాహరణకు, మీరు గూగుల్ సెర్చ్‌లో “do a barrel roll” అని టైప్ చేస్తే మీ స్క్రీన్ మొత్తం 360 డిగ్రీల కోణంలో గుండ్రంగా తిరుగుతుంది. ఇది కూడా గూగుల్ సృష్టించిన అత్యంత ప్రసిద్ధ ఈస్టర్ ఎగ్.