బహిరంగ ప్రదేశంలో ఏర్పాటు చేసిన ఓ యాడ్ బ్యానర్‌పై ఉన్న యువతి ఫోటోకు, పెళ్లికొడుకు తరహాలో దుస్తులు ధరించిన ఓ వ్యక్తి నుదుట సిందూరం పెట్టి ముద్దుపెట్టిన వికృత ఘటన సోషల్ మీడియాలో విడుదలై తీవ్ర ఆగ్రహావేశాలకు కారణమైంది.
పెళ్లికొడుకు దుస్తుల్లో ఉన్న ఆ వ్యక్తి, అడ్వర్టైజ్‌మెంట్ పోస్టర్‌లో ఉన్న యువతి ఫోటో దగ్గరకు వెళ్లి ఈ అసహ్యకరమైన పనికి పాల్పడ్డాడు. ఈ వీడియో ఇన్‌స్టాగ్రామ్ వంటి సామాజిక మాధ్యమాల్లో వైరల్ అయి లక్షలాది మంది దృష్టిని ఆకర్షించింది.
ఈ వీడియో చూసిన నెటిజన్లు తీవ్ర ఆగ్రహంతో కామెంట్లు పెడుతున్నారు. “ఈ దేశంలో ఒక పోస్టర్‌లో ఉన్న అమ్మాయికి కూడా రక్షణ లేదా?” అని, “ఇలాంటి మనస్తత్వమే సమాజంలో మహిళల భద్రతను ప్రశ్నార్థకంగా మారుస్తోంది” అంటూ నెటిజన్లు తమ నిరసనను వ్యక్తం చేస్తున్నారు.
అయితే, ఈ వీడియో ఎక్కడ, ఎప్పుడు, ఎవరు తీశారు? ఇందులో ఉన్న వ్యక్తి ఎవరు? అనే దానిపై ఇంకా ఎలాంటి అధికారిక సమాచారం తెలియరాలేదు. అయినప్పటికీ ఈ వీడియో నెట్టింట దావానలంలా వ్యాపిస్తోంది.
బహిరంగ ప్రదేశాల్లో మహిళలకు లభించే గౌరవం, భద్రత ఏ స్థాయిలో ఉన్నాయో, మనుషుల వక్ర బుద్ధి ఎలా ఉందో ఈ ఘటన కళ్లకు కట్టినట్లు చూపిస్తోందని సామాజిక కార్యకర్తలు ఆందోళన వ్యక్తం చేస్తున్నారు.
Leave a Reply