రక్షణగా ఉండాల్సిన వారే దోచుకుంటే ఇంక భద్రత ఎవరిస్తారు? బెంగళూరులోని ఇండియన్ బ్యాంక్ శాఖలో అసిస్టెంట్ మేనేజర్ కరణ్ కుమార్ (34) కస్టమర్ల నమ్మకాన్ని వంచించాడు. కస్టమర్లు తమ భద్రత కోసం బ్యాంక్ లాకర్లలో ఉంచిన సుమారు 2.70 కిలోల బంగారాన్ని (విలువ దాదాపు రూ. 4 కోట్లు) దొంగిలించాడు. అంతటితో ఆగకుండా, ఆ బంగారాన్ని అమ్మి వచ్చిన డబ్బుతో ఆన్‌లైన్ జూదం (Gambling) ఆడాడు.
ఘటన ఎలా వెలుగుచూసింది? జనవరి 2న ఒక కస్టమర్ తన నగలను తీసుకోవడానికి బ్యాంక్ లాకర్ వద్దకు వెళ్లినప్పుడు ఈ దారుణం బయటపడింది. లాకర్‌ను తనిఖీ చేయగా నగలు మాయమైనట్లు గుర్తించారు. దీనిపై విచారణ జరపగా, 21 లాకర్లలోని నగలతో ఛేదించినట్లు, 3 లాకర్లు పూర్తిగా ఖాళీ అయినట్లు తేలింది. బ్రాంచ్ మేనేజర్ లేని సమయంలో లాకర్ల యాక్సెస్ ఉండటంతో కరణ్ కుమార్ ఈ దొంగతనాలకు పాల్పడ్డాడు. బెంగళూరు పోలీసులు నిందితుడిని అరెస్ట్ చేశారు.
తెలంగాణ ఎస్‌బీఐ (SBI) లోనూ ఇదే తరహా మోసం: గత ఏడాది ఆగస్టులో తెలంగాణలోని చెన్నూర్ (మంచిర్యాల జిల్లా) ఎస్‌బీఐ శాఖలో కూడా ఇలాంటి భారీ మోసం జరిగింది. అక్కడ ఒక క్యాషియర్ 10 నెలల పాటు పథకం వేసి, కస్టమర్ల 20 కిలోల బంగారం మరియు రూ. 1.10 కోట్ల నగదును (మొత్తం రూ. 14 కోట్లు) కాజేశాడు. ఆ డబ్బును తన కుటుంబ సభ్యుల పేరిట ఉన్న రహస్య ఖాతాలకు మళ్లించాడు.