కట్టలు తెంచుకున్న కోపం.. “మరిది మర్మాంగాన్ని పళ్లతో దారుణంగా కొరికిన వదిన”.. ప్రైవేట్ పార్ట్‌కు 55 కుట్లు.. ఐసీయూలో తీవ్ర చికిత్స.. చిన్న పిల్లల గొడవలో ఇంత ఘోరమా..?

ఉత్తరప్రదేశ్ రాష్ట్రం కాన్పూర్ పరిధిలోని పురౌపూర్ గ్రామంలో, పిల్లల మధ్య జరిగిన చిన్న ఆటల గొడవ పెద్దల మధ్య దారుణమైన ఘర్షణగా మారింది.

ఒకే కుటుంబంలో, ఒక మహిళ (వదిన) కొడుకుకి, ఆమె మరిది కుటుంబానికి మధ్య వాగ్వాదం జరిగింది. ఇందులో మరిది, అతని భార్య కలిసి ఆ బాలుడిని మందలించి కొట్టినట్లు చెబుతున్నారు. దీంతో కోపంతో రగిలిపోయిన ఆ బాలుడు, జరిగిన విషయాన్ని తన తల్లికి చెప్పాడు.

తన కొడుకును కొట్టారని తెలిసి తీవ్ర ఆగ్రహానికి గురైన ఆ మహిళ, వెంటనే మరిది మరియు అతని భార్యను నిలదీసేందుకు వెళ్లింది. అక్కడ ఇరువర్గాల మధ్య మాటామాటా పెరిగి తీవ్ర ఘర్షణకు దారితీసింది. వాగ్వాదం తారాస్థాయికి చేరుకున్న దశలో, కోపంతో ఊగిపోయిన ఆ వదిన అనూహ్యంగా తన మరిది మర్మాంగాన్ని (ప్రైవేట్ పార్ట్) పళ్లతో దారుణంగా కొరికింది. దీంతో తీవ్రంగా గాయపడిన ఆ యువకుడు నొప్పితో విలవిలలాడుతూ కిందపడిపోయాడు.

ఈ ఘటన గురించి సమాచారం అందుకున్న పోలీసులు వెంటనే అక్కడికి చేరుకుని, గాయపడిన యువకుడిని చికిత్స కోసం ప్రభుత్వ ఆసుపత్రికి తరలించారు. అనంతరం, అతని పరిస్థితి విషమంగా ఉండటంతో మెరుగైన వైద్యం కోసం కాన్పూర్ లోని మరో పెద్ద ఆసుపత్రికి రిఫర్ చేశారు. అక్కడ అతన్ని ఐసీయూలో (ICU) చేర్చుకున్న వైద్యులు శస్త్రచికిత్స చేసి, సుమారు 55 కుట్లు వేసి నిశితంగా పర్యవేక్షిస్తున్నారు.

ఈ ఘటనపై గాయపడిన యువకుడి భార్య ఇచ్చిన ఫిర్యాదు మేరకు, పోలీసులు సదరు వదినపై కేసు నమోదు చేసి దర్యాప్తు చేస్తున్నారు. గుజరాత్‌లో పనిచేస్తున్న ఆ మహిళ భర్తకు కూడా సమాచారం అందించగా అతను సొంతూరుకు బయల్దేరాడు. ఈ దారుణ ఘటనకు సంబంధించి పోలీసులు లోతుగా విచారణ కొనసాగిస్తున్నారు.