సినిమా ప్రపంచంలో సైకో థ్రిల్లర్, మిస్టరీ కథలకు ఎప్పుడూ ప్రత్యేక అభిమానుల వర్గం ఉంటుంది. ఆ క్రమంలో, గత 7 సంవత్సరాల క్రితం విడుదలైన ‘బరోట్ హౌస్’ (Barot House) చిత్రం ఇప్పటికీ చాలామంది ఆసక్తిగా మాట్లాడుకునేలా ఉంది.
దర్శకుడు బగ్స్ భార్గవ కృష్ణ దర్శకత్వంలో, అమిత్ సాద్ మరియు మంజరి ఫడ్నీస్ ప్రధాన పాత్రల్లో నటించిన ఈ సినిమా, ఒక సాధారణ కుటుంబంలో జరిగే ఊహించని దిగ్భ్రాంతికరమైన మలుపుల ఆధారంగా తెరకెక్కింది.
సినిమా ప్రారంభంలో ఒక సంతోషకరమైన కుటుంబంగా సాగే వీరి జీవితంలో, వరుసగా జరిగే హత్యల సంఘటనలు పెద్ద తుఫానును సృష్టిస్తాయి. ముఖ్యంగా, కుటుంబంలోని ముద్దుల కుమార్తెలు మర్మమైన రీతిలో హత్యకు గురికావడం, ఆ తర్వాత పొరుగుంటి చిన్నారి కూడా బలికావడం కథను మరో స్థాయికి తీసుకెళ్తుంది.
ఈ వరుస హత్యల వెనుక ఉన్న అసలు నేరస్థుడు ఎవరనే కోణంలో సాగే పోలీస్ విచారణలో, అందరినీ తీవ్ర దిగ్భ్రాంతికి గురిచేసే ఒక భయంకరమైన నిజం వెలుగులోకి వస్తుంది.
విచారణ ముగింపులో, మొత్తం కుటుంబాన్ని కుదిపేసిన ఆ సీరియల్ కిల్లర్ వేరెవరో కాదు, ఆ దంపతుల 9 ఏళ్ల కుమారుడే అనే షాకింగ్ నిజం బయటపడుతుంది. IMDb వేదికపై 7.2 రేటింగ్ పొందిన ఈ చిత్రం, కేవలం 3 కోట్ల రూపాయల బడ్జెట్తో రూపొంది ZEE5 ఓటీటీ ప్లాట్ఫామ్లోనూ, ఉచితంగా యూట్యూబ్లోనూ అందుబాటులో ఉంది. భయానక వాతావరణం, ఉత్కంఠ నిండిన ఈ 90 నిమిషాల థ్రిల్లర్ సినిమా, సినీ ప్రియులను ఖచ్చితంగా ఆకట్టుకుంటుందనడంలో సందేహం లేదు.
Leave a Reply