కార్పొరేట్ కంపెనీలో పనిచేస్తున్న ఒక యువకుడి జీవితం, ఊహించని విధంగా ఉద్యోగం కోల్పోవడంతో ఒక్కసారిగా తలకిందులైంది.
మంచి ఉద్యోగం, స్థిరమైన ఆదాయంతో సాఫీగా సాగుతున్న జీవితంలో ఉద్యోగం పోవడంతో, తదుపరి అవకాశం కోసం దాదాపు 4 నెలల పాటు ఇంట్లోనే ఎదురుచూడాల్సి వచ్చింది.
ఎన్నో చోట్ల ఉద్యోగ ప్రయత్నాలు చేసినా ఆశించిన అవకాశం దక్కకపోవడం, ఎక్కువ రోజులు ఖాళీగా ఇంట్లోనే ఉండటం అతడిని మానసికంగా తీవ్ర ఒత్తిడికి గురిచేసింది. ఈ క్రమంలోనే పని అనేది కేవలం హోదా లేదా జీతంపై మాత్రమే ఆధారపడి ఉండదనే ఆలోచనకు ఆయన వచ్చారు.
దీంతో ఏ పని దొరికినా సరే చేసి జీవితాన్ని మళ్లీ గాడిన పెట్టాలని గట్టి నిర్ణయం తీసుకున్నారు. అందులో భాగంగా, రెస్టారెంట్లో అంట్లు తోమే (గిన్నెలు కడిగే) పని చేయడానికి కూడా తాను సిద్ధమేనని ప్రకటించారు. కార్పొరేట్ ఉద్యోగం నుంచి పూర్తిగా భిన్నమైన ఈ నిర్ణయం నెటిజన్ల దృష్టిని విశేషంగా ఆకర్షిస్తోంది.
ఉద్యోగం కోల్పోవడం అనేది జీవితానికి ముగింపు కాదని, పరిస్థితులకు అనుగుణంగా మనల్ని మనం మార్చుకుని మళ్లీ మొదలుపెట్టే మనస్తత్వమే ముఖ్యమని ఈ సంఘటన నిరూపిస్తోంది. పని ఏదైనా చేసే కష్టానికి గౌరవం ఇచ్చి, ఆత్మవిశ్వాసంతో ముందుకు సాగడమే ప్రధానమనే సందేశాన్ని ఈ ఉదంతం అందిస్తోంది.
Leave a Reply