మధ్యప్రదేశ్ : పన్నా జిల్లా అజయ్గఢ్ పోలీస్ స్టేషన్ పరిధిలోని లోధా పుర్వా గ్రామానికి చెందిన బి.ఎస్సీ (B.Sc) టాపర్ విద్యార్థిని ఆత్మహత్య కేసులో కొత్త మలుపు చోటుచేసుకుంది. ఆ విద్యార్థిని మరణించడానికి ముందు ఒక వీడియోను రూపొందించడమే కాకుండా, సుసైడ్ నోట్ కూడా రాసింది.
ప్రస్తుతం వైరల్ అవుతున్న ఆ వీడియోలో విద్యార్థిని సృష్టి మిశ్రా (అలియాస్ ప్రియ) మాట్లాడుతూ.. భీనా నివాసి అయిన బడకూ సింగ్ అనే యువకుడు తనను తీవ్రంగా వేధించాడని పేర్కొంది. “అతను నాతో చాలా తప్పుగా ప్రవర్తించాడు, దీనివల్ల నేను మరియు నా కుటుంబం ఎవరికీ ముఖం చూపించలేనంతగా మిగిలిపోయాము. నన్ను బ్లాక్ మెయిల్ చేస్తున్నారు, అందుకే నేను ఈ అడుగు వేస్తున్నాను” అని ఆమె ఆవేదన వ్యక్తం చేసింది. ఈ వెల్లడితో కేసు మరింత సంక్లిష్టంగా మారింది. పోలీసులు విచారణను ముమ్మరం చేశారు.
తండ్రి ఆవేదన
బాలిక తండ్రి తెలిపిన వివరాల ప్రకారం.. భీనాకు చెందిన ఒక యువకుడు తన కుమార్తెతో మాట్లాడేవాడు. చాలా సార్లు అమ్మాయి నిరాకరించింది. అతను వినకపోవడంతో తండ్రి స్వయంగా అతడిని హెచ్చరించారు. అయినప్పటికీ, అతను మాట్లాడాలంటూ నిరంతరం బ్లాక్ మెయిల్ చేస్తూ, కొన్ని వీడియోలను వైరల్ చేస్తానని, పరువు తీస్తానని బెదిరించేవాడు. శుక్రవారం సాయంత్రం సృష్టి ఆరోగ్యం క్షీణించి వాంతులు చేసుకోవడంతో, ఆమె విషపదార్థం సేవించినట్లు కుటుంబ సభ్యులకు తెలిసింది. పరిస్థితి విషమించడంతో ఆమెను రేవాకు తరలిస్తుండగా మార్గమధ్యలోనే ప్రాణాలు విడిచింది. శనివారం పన్నా జిల్లా ఆసుపత్రిలో పోస్టుమార్టం నిర్వహించగా, నిందితుడిపై కఠిన చర్యలు తీసుకోవాలని, అతడికి ఉరిశిక్ష పడాలని తండ్రి సురేష్ మిశ్రా డిమాండ్ చేశారు. పోలీసులు కేసు నమోదు చేసి దర్యాప్తు ప్రారంభించారు.
అసలేం జరిగింది?
పన్నా జిల్లా అజయ్గఢ్ ప్రాంతానికి చెందిన 22 ఏళ్ల బి.ఎస్సీ ఫైనల్ ఇయర్ టాపర్ విద్యార్థిని ఆత్మహత్య చేసుకుంది. టాపర్గా నిలిచిన సంతోషంలో ఉండాల్సిన ఆ కుటుంబంలో ఈ విషాదం తీవ్ర విషాదాన్ని నింపింది. ఒక యువకుడు బ్లాక్ మెయిల్ చేస్తూ, బద్నాం చేస్తానని బెదిరిస్తూ మానసిక వేధింపులకు గురిచేశాడని కుటుంబ సభ్యులు ఆరోపించారు. ఆ వేధింపులు తాళలేక విద్యార్థిని విషం తాగి ఆత్మహత్య చేసుకుంది. చికిత్స పొందుతూ ఆమె మరణించగా, పోలీసులు ప్రస్తుతం ఈ కేసులోని అన్ని కోణాలను దర్యాప్తు చేస్తున్నారు.