“కూలీ అడగడానికి వెళ్తే పెను ముప్పు..!” ఆగ్రహంతో మాల్ ఎదుట నిరసన.. ఆత్మహత్యాయత్నానికి పాల్పడిన కార్మికుడు.. షాపింగ్ మాల్ వద్ద కలకలం రేపిన భయానక దృశ్యాలు..!!

చైనాలోని జియాంగ్సు ప్రావిన్స్ లియాన్యుంగాంగ్ నగరంలోని ఒక షాపింగ్ మాల్ ముందు, తమకు రావాల్సిన వేతనం అందలేదన్న మనస్తాపంతో వ్యక్తి ఒకరు ఆత్మహత్యాయత్నానికి పాల్పడిన దారుణ సంఘటన తీవ్ర కలకలం రేపింది.

అక్కడి హైజూ జిల్లాలోని సునింగ్ ప్లాజా (Suning Plaza) షాపింగ్ మాల్ ముందు భాగంలో అక్టోబర్ 10వ తేదీ రాత్రి 7 గంటల ప్రాంతంలో, 40 నుండి 50 సంవత్సరాల వయస్సు గల వ్యక్తి తన జీవనోపాధి దెబ్బతిని తీవ్ర ఆర్థిక ఇబ్బందుల కారణంగా ఈ విపరీత నిర్ణయానికి పూనుకున్నారు.

ఎన్ని నెలలుగా ప్రయత్నించినా తనకు రావాల్సిన బకాయి వేతనాన్ని రాబట్టుకోలేకపోయినందున, జీవితంపై పూర్తిగా విసిగిపోయిన ఆ వ్యక్తి షాపింగ్ మాల్ మధ్య ప్రాంతంలో ఒంటిపై పెట్రోల్ పోసుకుని నిప్పంటించుకుని ఆత్మహత్యకు యత్నించినట్లు సమాచారం.

ఘటన జరిగిన వెంటనే అప్రమత్తమైన స్థానికులు, భద్రతా సిబ్బందితో పాటు హుటాహుటిన అక్కడికి చేరుకున్న పోలీసులు మరియు సాధారణ దుస్తుల్లో ఉన్న అధికారులు ఆ వ్యక్తిని అడ్డుకుని పరిస్థితిని అదుపులోకి తీసుకున్నారు.

ఈ సంఘటన జరుగుతున్న సమయంలో అక్కడ జరిగిన వాస్తవ దృశ్యాలను తమ మొబైల్ ఫోన్లలో రికార్డ్ చేయడానికి ప్రయత్నించిన ప్రజలను పోలీసులు అడ్డుకోవడంతో, ఆ ప్రాంతంలో తీవ్ర ఉద్రిక్త వాతావరణం నెలకొందని ప్రత్యక్ష సాక్షులు తెలిపారు.