దోహా: ఇప్పటివరకు ఇరాన్తో స్నేహపూర్వక సంబంధాలను కొనసాగించిన ఖతార్, ఇప్పుడు అనూహ్యమైన నిర్ణయాలతో వార్తల్లో నిలిచింది. సౌదీ అరేబియా – ఇరాన్ మధ్య గతంలో ఉద్రిక్తతలు తలెత్తినప్పుడు మధ్యవర్తిత్వం వహించిన ఖతార్లో, అమెరికాకు చెందిన అతిపెద్ద సైనిక స్థావరం కూడా ఉంది. అందుకే ఖతార్ వేసే అడుగులను ప్రపంచ దేశాలు ఆసక్తిగా గమనిస్తుంటాయి.
ఇరాన్కు ఎదురుదెబ్బ:
ఇటీవల ఇరాన్ తన దాడుల లక్ష్యంగా ఖతార్లోని అమెరికన్ సైనిక క్యాంపులు మరియు ఎంబసీలను ఎంచుకోవడంతో ఖతార్ తన రక్షణను కట్టుదిట్టం చేసింది. ఈ క్రమంలో ఖతార్ పోలీసులు 10 మందిని అదుపులోకి తీసుకున్నారు. వీరు ఇరాన్ ‘రివల్యూషనరీ గార్డ్స్’తో సంబంధాలు కలిగి ఉన్నారని, ఖతార్లోని వ్యూహాత్మక ప్రాంతాల సమాచారాన్ని ఇరాన్కు చేరవేస్తున్నారని ఆరోపణలు ఉన్నాయి. ఖతార్లో రెండు ‘స్లీపర్ సెల్స్’ను ధ్వంసం చేసినట్లు అధికారులు తెలిపారు.
ఖతార్ న్యూస్ ఏజెన్సీ నివేదిక ప్రకారం.. పట్టుబడ్డ వారిలో ఏడుగురు సైనిక కేంద్రాల సమాచారాన్ని సేకరిస్తుండగా, ముగ్గురు రహస్య ఆపరేషన్లు నిర్వహిస్తున్నారు. ఇరాన్ పంపిన 101 బాలిస్టిక్ మిసైళ్లు, 3 క్రూయిజ్ మిసైళ్లు మరియు 39 డ్రోన్ల దాడుల నేపథ్యంలో ఖతార్ ఈ కఠిన చర్యలు చేపట్టింది.
ప్రవాసులకు (Expats) భారీ ఊరట – వీసా గడువు పెంపు!
యుద్ధ వాతావరణం నెలకొన్న నేపథ్యంలో ఖతార్ ప్రభుత్వం ప్రవాసులకు ఒక గొప్ప వార్తను అందించింది.
గడువు పెంపు: అన్ని రకాల వీసాల గడువును ఒక నెల పాటు పొడిగించాలని ఖతార్ హోం మంత్రిత్వ శాఖ నిర్ణయించింది.
ఆటోమేటిక్ రిన్యూవల్: వీసా పొడిగింపు కోసం ఎలాంటి ప్రభుత్వ కార్యాలయాలకు వెళ్లాల్సిన అవసరం లేదు, దరఖాస్తు చేయక్కర్లేదు. ఎలక్ట్రానిక్ సిస్టమ్ ద్వారా ఇది ఆటోమేటిక్గా అప్డేట్ అవుతుంది.
ఫీజు లేదు: ఈ పొడిగింపునకు ఎలాంటి ప్రత్యేక రుసుము చెల్లించాల్సిన పనిలేదు.
ముఖ్య గమనిక: యుద్ధం (ప్రస్తుత ఉద్రిక్తతలు) ప్రారంభం కాకముందే వీసా గడువు ముగిసిన వారు మాత్రం నిబంధనల ప్రకారం జరిమానా చెల్లించాల్సి ఉంటుంది.
Leave a Reply