ఖమేనీ హత్యకు సహకరించిన CIA.. ప్రతీకారంగా CIA కార్యాలయం ధ్వంసం! అన్నీ ఇక దూకుడు నిర్ణయాలే!

ప్రతీకార దాడులు: మధ్యప్రాచ్యంలో యుద్ధ మేఘాలు కమ్ముకున్న వేళ, సౌదీ అరేబియా రాజధాని రియాద్‌లోని అమెరికా రాయబార కార్యాలయంలో ఉన్న CIA నిఘా విభాగంపై ఇరాన్ డ్రోన్లతో దాడి చేయడం కలకలం రేపింది. ఇరాన్ సుప్రీం లీడర్ అయతొల్లా అలీ ఖమేనీ హత్యకు ప్రతీకారంగా ఈ చర్య తీసుకున్నారు. గత శనివారం ఖమేనీ ఆచూకీని కనిపెట్టడంలో CIA సహకరించినందున, ఇరాన్ తన ‘షాహిద్’ డ్రోన్లతో ఆ విభాగాన్ని నేలమట్టం చేసింది. ఈ దాడిలో భవనం పాక్షికంగా దెబ్బతిన్నట్లు సమాచారం.

వరుస లక్ష్యాలు: రియాద్‌తో పాటు దుబాయ్‌లోని అమెరికా రాయబార కార్యాలయంపై కూడా డ్రోన్ల దాడి జరిగింది. అలాగే ఖతార్‌లోని అతిపెద్ద అమెరికా సైనిక స్థావరం ‘అల్-ఉదైద్’ పై ఇరాన్ రెండు ఖండాంతర క్షిపణులను (ICBMs) ప్రయోగించింది. తమ మిత్రదేశాలపై ఇరాన్ ఇంతలా విరుచుకుపడుతుందని ఊహించలేదని అమెరికా అధ్యక్షుడు డొనాల్డ్ ట్రంప్ అంగీకరించారు.

కొత్త నాయకుడిగా ఖమేనీ కుమారుడు: ఇరాన్ రాజకీయాల్లో కీలక మార్పు చోటుచేసుకుంది. అలీ ఖమేనీ కుమారుడు మొజ్తబా ఖమేనీ ఇరాన్ కొత్త సుప్రీం లీడర్‌గా బాధ్యతలు చేపట్టారు. ఇరాన్ విప్లవ దళాల (IRGC) ఒత్తిడి మేరకు ఈ నియామకం జరిగింది. మొజ్తబాకు సైన్యంతో ఉన్న సన్నిహిత సంబంధాలు ఈ విపత్కర సమయంలో అతడిని పీఠంపై కూర్చోబెట్టాయి.

విధ్వంసం – గణాంకాలు: అమెరికా ‘ఆపరేషన్ ఎపిక్ ఫ్యూరీ’లో భాగంగా ఇరాన్‌లోని 1,700 లక్ష్యాలపై దాడులు చేసింది. ఇరాన్ రెడ్ క్రెసెంట్ ప్రకారం, ఇప్పటివరకు 787 మంది మరణించారు. అటు హెజ్బుల్లా కూడా ఇజ్రాయెల్ నౌకాదళ స్థావరాలపై దాడులు చేస్తోంది. ప్రపంచ చమురు సరఫరాలో 20% వాటా ఉన్న హోర్ముజ్ జలసంధిని మూసివేస్తామని ఇరాన్ బెదిరించడంతో ముడి చమురు ధరలు ఆకాశాన్ని తాకుతున్నాయి.