ఎన్నికల సంఘం తన సేవలను వేగవంతం చేయడానికి మరియు పారదర్శకతను పెంచడానికి ECINet అనే కొత్త ప్లాట్‌ఫారమ్‌ను ప్రారంభించింది. దీని ద్వారా మీ కార్డు ఎక్కడి వరకు వచ్చింది, ఎప్పుడు డెలివరీ అవుతుందో ప్రతి నిమిషం ట్రాక్ చేయవచ్చు.
కొత్త వ్యవస్థలోని ప్రత్యేకతలు:
- ట్రాకింగ్ సౌకర్యం: రిజిస్ట్రేషన్ ఆఫీసర్ కార్డును తయారు చేసిన క్షణం నుండి, పోస్ట్ ఆఫీస్ ద్వారా మీ ఇంటికి వచ్చే వరకు ప్రతి అడుగును ట్రాక్ చేయవచ్చు.
- SMS అలర్ట్స్: కార్డు తయారీ ప్రక్రియలోని ప్రతి దశలో మీ మొబైల్ నంబర్‌కు SMS వస్తుంది. దీనివల్ల ఆఫీసుల చుట్టూ తిరగాల్సిన అవసరం ఉండదు.
- డిజిటల్ డౌన్‌లోడ్: మీరు కొత్త కార్డు కోసం దరఖాస్తు చేసుకున్నప్పుడు ఓటరు జాబితాలో పేరు చేరగానే e-EPIC (డిజిటల్ ఓటర్ ఐడీ) ను ఆన్‌లైన్ నుండి డౌన్‌లోడ్ చేసుకోవచ్చు.
ఏ ఫారమ్ దేనికోసం?
- ఫారమ్ 6: కొత్తగా ఓటు హక్కు కోసం దరఖాస్తు చేసుకునే వారికి.
- ఫారమ్ 8: ఓటరు కార్డులో పేరు, చిరునామా, వయస్సు లేదా ఇతర తప్పులను సరిదిద్దుకోవడానికి.
కొత్త ఓటరు కార్డు కోసం ఆన్‌లైన్‌లో దరఖాస్తు చేసుకునే విధానం:
- వెబ్‌సైట్: మొదట voters.eci.gov.in వెబ్‌సైట్‌ను సందర్శించండి.
- రిజిస్ట్రేషన్: మీ మొబైల్ నంబర్ మరియు ఈమెయిల్ ఉపయోగించి ‘Sign Up’ అవ్వండి.
- లాగిన్: పాస్‌వర్డ్ సెట్ చేసుకున్న తర్వాత, OTP ద్వారా లాగిన్ అవ్వండి.
- ఫారమ్ ఎంపిక: కొత్త రిజిస్ట్రేషన్ కోసం ‘Form 6’ పై క్లిక్ చేయండి.
- వివరాలు: మీ వ్యక్తిగత సమాచారం, చిరునామా మరియు ఇతర వివరాలను జాగ్రత్తగా నింపండి.
- డాక్యుమెంట్స్: అవసరమైన పత్రాలను (ఫోటో, అడ్రస్ ప్రూఫ్ మొదలైనవి) అప్‌లోడ్ చేయండి.
- సబ్మిట్: వివరాలన్నీ సరిచూసుకున్న తర్వాత ‘Submit’ చేయండి. మీకు ఒక రిఫరెన్స్ నంబర్ (Reference Number) వస్తుంది, దానిని జాగ్రత్తగా భద్రపరుచుకోండి.
స్టేటస్ చెక్ చేయడం ఎలా?
వెబ్‌సైట్‌లోని ‘Track Application Status’ ట్యాబ్‌పై క్లిక్ చేసి, మీ రిఫరెన్స్ నంబర్ మరియు రాష్ట్రాన్ని ఎంచుకుంటే మీ కార్డు ఏ స్థితిలో ఉందో స్క్రీన్‌పై కనిపిస్తుంది.