ఉత్తరప్రదేశ్లోని ఘాజీపూర్ జిల్లాలో ఒక అత్యంత దారుణమైన మరియు షాకింగ్ ఘటన వెలుగులోకి వచ్చింది. డబ్బు కోసం కన్న అత్త తన మేనకోడలి ఆత్మగౌరవాన్ని బలివ్వాలని చూసింది. ఈ ఘటనపై బాధిత యువతి ఫిర్యాదు మేరకు పోలీసులు కేసు నమోదు చేశారు.
ఏం జరిగిందంటే? దుల్లహ్పూర్ పోలీస్ స్టేషన్ పరిధిలోని ఒక గ్రామానికి చెందిన యువతికి, ఆమె సొంత పిన్ని పుష్పా దేవి మరియు సునీల్ రాజ్భర్ అనే వ్యక్తి గత కొంతకాలంగా వేధింపులకు గురిచేస్తున్నారు. కేవలం ఒక గంట సమయం కేటాయిస్తే రూ. 20 లక్షలు ఇస్తామని, అసలు ప్రాజెక్టు విలువ రూ. 80 లక్షలని యువతిని నమ్మించే ప్రయత్నం చేశారు. ఈ విషయాన్ని కుటుంబ సభ్యులకు తెలియనివ్వొద్దని తీవ్రంగా హెచ్చరించారు.
ఆ ఒక్క గంటలో ఏం చేయాలి? అసలు ఆ ‘పని’ ఏమిటో తెలుసుకోవాలని యువతి పట్టుబట్టడంతో, పిన్ని పుష్పా దేవి తన అసలు స్వరూపాన్ని బయటపెట్టింది. ఒక లగ్జరీ కారులో ఆజంగఢ్ జిల్లాకు వెళ్లి, అక్కడ ఒక గంట సేపు ‘అశ్లీల కార్యకలాపాల్లో’ పాల్గొంటే చాలని, ఆ వెంటనే తిరిగి రావచ్చునని చెప్పింది. ఆ మాట విన్న యువతి ఒక్కసారిగా షాక్కు గురై, వెంటనే ఆ ప్రతిపాదనను తిరస్కరించింది.
చంపేస్తామని బెదిరింపులు: తన మేనకోడలు ఒప్పుకోకపోవడంతో, పిన్ని పుష్పా దేవి మరియు సునీల్ రాజ్భర్ ఆమె ఇంటి వద్దకు వెళ్లి నానా రభస చేశారు. అసభ్య పదజాలంతో దూషించడమే కాకుండా, పోలీసులకు చెబితే చంపేస్తామని బెదిరించారు. కుటుంబ సభ్యుల అండతో ధైర్యం తెచ్చుకున్న ఆ యువతి, దుల్లహ్పూర్ పోలీస్ స్టేషన్కు వెళ్లి జరిగిన విషయాన్ని వివరించింది.
పోలీసుల చర్య: యువతి ఫిర్యాదు మేరకు, పోలీసులు నిందితులు పుష్పా దేవి మరియు సునీల్ రాజ్భర్లపై వేధింపులు, చంపేస్తామని బెదిరించడం వంటి పలు సెక్షన్ల కింద ఎఫ్ఐఆర్ (FIR) నమోదు చేశారు. నిందితుల కోసం గాలింపు చర్యలు చేపట్టినట్లు పోలీసులు తెలిపారు.