శారీరక సాన్నిహిత్యం లేని వివాహ బంధం నిలవగలదా? పూణే నుండి వెలుగులోకి వచ్చిన ఒక షాకింగ్ చట్టపరమైన కేసు ఈ ప్రశ్నకు సమాధానం చెబుతోంది. తన భర్త తనతో శారీరక సంబంధం పెట్టుకోవడం లేదని ఒక భార్య ధైర్యంగా కోర్టు మెట్లెక్కి తన గోడును వెళ్లబోసుకుంది. భర్త కూడా తన తప్పును ఒప్పుకోవడంతో, న్యాయమూర్తి ఆలస్యం చేయకుండా ఆ వివాహాన్ని రద్దు చేశారు.
అసలు ఏం జరిగింది?: పూణేకు చెందిన ఒక జంటకు అట్టహాసంగా వివాహం జరిగింది. అయితే, పెళ్లయిన కొన్నాళ్లకే ఆ భార్యకు తన జీవితం ఒక పీడకలలా మారింది. వివాహం జరిగి ఏళ్లు గడుస్తున్నా, తన భర్త తనతో ఎప్పుడూ శారీరక సంబంధం పెట్టుకోలేదని ఆమె ఆరోపించింది. మొదట్లో భర్త సిగ్గుపడుతున్నాడేమో అని ఆమె భావించింది, కానీ కాలం గడుస్తున్నా ఆయన దూరం పాటిస్తుండటంతో ఆ బంధం కేవలం కాగితాలకే పరిమితమని ఆమెకు అర్థమైంది.
కోర్టులో భర్త అంగీకారం: ఈ కేసు న్యాయమూర్తి బి.డి. కదమ్ ముందుకు వచ్చినప్పుడు, భార్య తన బాధను వివరిస్తూ కన్నీరు పెట్టుకుంది. ఆశ్చర్యకరమైన విషయం ఏమిటంటే, భర్త ఈ ఆరోపణలను ఖండించలేదు. వివాహం తర్వాత తమ మధ్య ఎప్పుడూ శారీరక సంబంధం జరగలేదని ఆయన లిఖితపూర్వక అఫిడవిట్‌లో అంగీకరించారు.
కోర్టు తీర్పు: హిందూ వివాహ చట్టం (Hindu Marriage Act) ప్రకారం, వివాహానికి పునాది అయిన శారీరక సాన్నిహిత్యం మరియు సహజీవనం లోపించినప్పుడు ఆ బంధాన్ని కొనసాగించడం అర్థరహితమని కోర్టు అభిప్రాయపడింది. ఇరువురి అంగీకారం మరియు భర్త వాంగ్మూలం ఆధారంగా, ఈ వివాహాన్ని చట్టబద్ధంగా రద్దు (Annulled) చేస్తూ కోర్టు తీర్పునిచ్చింది.