న్యూఢిల్లీ: ఢిల్లీ వంటి ఖరీదైన నగరాల్లో నివసిస్తూ, ప్రతి నెలా భారీగా పొదుపు చేయడం సామాన్యమైన విషయం కాదు. పెరిగిన ధరలు, అద్దెలు, ప్రయాణ ఖర్చులతో సతమతమవుతున్న వారికి, సోషల్ మీడియాలో వైరల్ అవుతున్న 28 ఏళ్ల కృతిక అనే యువతి స్టోరీ ఒక స్ఫూర్తిగా నిలుస్తోంది.
కృతిక సక్సెస్ ఫార్ములా: కృతిక ఢిల్లీలో అసిస్టెంట్ సెక్షన్ ఆఫీసర్ (ASO)గా పనిచేస్తున్నారు. 2022లో ఎస్ఎస్సి సిజిఎల్ (SSC CGL) పరీక్షలో ఉత్తీర్ణత సాధించి, ప్రస్తుతం లెవల్-7 ప్రభుత్వ అధికారిణిగా సేవలందిస్తున్నారు. ఆమె ప్రతి నెలా అందుకునే రూ. 90,000 జీతంలో, కేవలం రూ. 25,000 మాత్రమే ఖర్చు చేసి, రూ. 65,000 పొదుపు చేస్తున్నారు.
ఆమె ఖర్చులను ఎలా నియంత్రిస్తున్నారంటే:
- అద్దె పంచుకోవడం: కృతిక తన ఫ్లాట్మేట్తో కలిసి 2BHK ఫ్లాట్లో ఉంటున్నారు. దీనివల్ల అద్దె ఖర్చు సగం తగ్గి, ఆమె వాటా కింద కేవలం రూ. 11,500 మాత్రమే చెల్లిస్తున్నారు.
- ఇంట్లోనే భోజనం: బయట తినడం, ఆన్లైన్ డెలివరీలను పూర్తిగా పక్కనపెట్టి, ఒక వంట మనిషిని (Maid) పెట్టుకున్నారు. ఆ ఖర్చులో కూడా ఆమె తన వాటాగా రూ. 2,500 మాత్రమే ఇస్తున్నారు. కిరాణా సామాగ్రికి రూ. 4,000 – 5,000, అప్పుడప్పుడు బయట తినడానికి రూ. 2,000 ఖర్చు చేస్తున్నారు.
- ఉచిత విద్యుత్ & తక్కువ ప్రయాణ ఖర్చు: ఢిల్లీ ప్రభుత్వ పథకాల వల్ల ఆమె విద్యుత్ బిల్లు సున్నా వస్తోంది. ఆఫీసు ప్రయాణాల కోసం క్యాబ్ లేదా మెట్రోకు బదులుగా సొంత స్కూటీని వాడటం వల్ల నెలకు రూ. 1,500 పెట్రోల్ ఖర్చు మాత్రమే అవుతోంది.
- వినోదం & షాపింగ్: నెట్ఫ్లిక్స్ వంటి యాప్లకు డబ్బు ఖర్చు చేయకుండా, స్నేహితులు లేదా కుటుంబ సభ్యులతో పాస్వర్డ్లను షేర్ చేసుకుంటూ వినోదాన్ని పొందుతున్నారు. షాపింగ్ కోసం నెలకు రూ. 3,000 నుండి రూ. 4,000 వరకు కేటాయించారు.
నెటిజన్ల స్పందన: కృతిక చూపించిన ఈ ఆర్థిక క్రమశిక్షణను చూసి నెటిజన్లు ఆశ్చర్యపోతున్నారు. “ఢిల్లీ వంటి నగరంలో ఇంత పొదుపు చేయడం నిజంగా అభినందనీయం” అని ఒకరు పొగడగా, “పొదుపుతో పాటు ఆ డబ్బును మంచి చోట పెట్టుబడి పెట్టడం కూడా ముఖ్యం” అని మరొకరు సూచించారు. “మేడం, మీ పొదుపు మొత్తమే మా జీతం కంటే ఎక్కువ” అని కొందరు సరదాగా కామెంట్స్ చేస్తున్నారు.
ఏదేమైనా, అనవసరపు ఖర్చులను తగ్గించుకుని, ఆర్థికంగా బాధ్యతాయుతంగా ఉండటంలో కృతిక యువతకు ఒక మంచి ఉదాహరణగా నిలుస్తున్నారు.