“జైలులోనే నక్కి ఉన్నాడా?”.. తలపై 5 లక్షల రివార్డు ఉన్న కరుడుగట్టిన నేరస్థుడు.. పోలీస్ కస్టడీలో ఉంచి ముమ్మర విచారణ..!!!

ఉత్తరప్రదేశ్‌లో తీవ్ర సంచలనం సృష్టించిన ఉమేష్ పాల్ హత్య కేసులో పోలీసులు మరో అత్యంత కీలక విజయాన్ని నమోదు చేశారు.

ఈ కేసులో నెలల తరబడి పరారీలో ఉన్న, తలపై రూ.5 లక్షల రివార్డు ప్రకటించబడిన ప్రధాన షూటర్ అర్మాన్ బిహారీ చివరకు పోలీసుల వలలో చిక్కుకున్నాడు. ఈ నేరస్థుడు బీహార్ రాష్ట్రంలోని గయా జైలులో ఉన్నట్లు గుర్తించిన పోలీసులు, అతడిని అక్కడి నుంచి ప్రయాగ్‌రాజ్‌కు తీసుకురావడానికి చర్యలు ముమ్మరం చేశారు.

అనంతరం, కట్టుదిట్టమైన పోలీసు భద్రత నడుమ ‘బీ-వారెంట్’ (B-Warrant) ఆధారంగా అర్మాన్ బిహారీని బీహార్ నుంచి ప్రయాగ్‌రాజ్‌కు పోలీసులు తీసుకువచ్చారు. గత 2023 ఫిబ్రవరి 24న జరిగిన ఉమేష్ పాల్ మరియు అతని భద్రతా సిబ్బంది దారుణ హత్య ఘటనలో ఇతనికి ప్రత్యక్ష సంబంధం ఉందని పోలీసు వర్గాలు తెలిపాయి. ముఖ్యంగా, బాంబులు విసిరిన గుడ్డు ముస్లింతో (Guddu Muslim) కలిసి బైక్‌పై వచ్చి దాడిలో పాల్గొన్న వారిలో ఇతను కూడా ఒకడు కావడం గమనార్హం.

ఘటన తర్వాత పరారై రాష్ట్రం విడిచి పారిపోయిన అర్మాన్ బిహారీ.. పోలీసులకు దొరకకుండా ఉండేందుకు పక్కా ప్రణాళికతో బీహార్‌లోని ఓ పాత కేసులో కోర్టులో లొంగిపోయి గయా జైలులో తలదాచుకున్నట్లు విచారణలో తేలింది. ఈ నేపథ్యంలో, సోమవారం మధ్యాహ్నం ప్రయాగ్‌రాజ్ కోర్టులో హాజరుపరచనున్న ఇతడిని, తదుపరి విచారణ కోసం మరియు ఈ ఘటనకు సంబంధించిన కీలక ఆధారాలను సేకరించడం కోసం పోలీస్ కస్టడీకి తీసుకోవాలని అధికారులు భావిస్తున్నారు.