దేశీయ ఐటీ దిగ్గజం టాటా కన్సల్టెన్సీ సర్వీసెస్ (TCS) నాసిక్ యూనిట్లో ఒక భయంకరమైన కుట్ర వెలుగుచూసింది. ‘కార్పొరేట్ జిహాద్’ పేరుతో మహిళా ఉద్యోగులను వేధింపులకు గురిచేస్తూ, మత మార్పిడులకు పాల్పడుతున్న ముఠా గుట్టును పోలీసులు రట్టు చేశారు. ఈ కేసులో కీలక సూత్రధారిగా భావిస్తున్న హ్యూమన్ రిసోర్స్ (HR) అధికారిణి నిధా ఖాన్ను పోలీసులు ఎట్టకేలకు అరెస్ట్ చేశారు.
అసలు ఉదంతం ఇదీ: కార్పొరేట్ ఔటింగ్ పేరుతో మహిళా ఉద్యోగులను బయటకు తీసుకెళ్లడం, అక్కడ వారిపై లైంగిక వేధింపులకు పాల్పడటం ఈ ముఠా పని. ప్రేమ పేరుతో వల వేసి, ఆపై గొడ్డు మాంసం తినాలని, నమాజ్ చేయాలని మరియు మతం మారాలని మహిళా ఉద్యోగులను బెదిరించినట్లు తీవ్ర ఆరోపణలు వెల్లువెత్తాయి. ఇప్పటికే ఈ కేసులో ఆరుగురు టీమ్ లీడర్లను పోలీసులు అరెస్ట్ చేశారు.
నిధా ఖాన్ పాత్ర ఏమిటి? హెచ్ఆర్ హోదాలో ఉన్న నిధా ఖాన్, ఈ మొత్తం వ్యవహారంలో కీలక పాత్ర పోషించినట్లు దర్యాప్తులో తేలింది.
- నిబంధనల ఉల్లంఘన: అర్హత లేకపోయినా తన వర్గానికి చెందిన వారికే ఉద్యోగాలు కల్పించడం, వారిని టీమ్ లీడర్లుగా నియమించడం వంటి పనులకు నిధా పాల్పడింది.
- ఫిర్యాదుల బుట్టదాఖలు: 2022 నుంచి బాధితులైన మహిళా ఉద్యోగులు తమకు ఎదురవుతున్న లైంగిక వేధింపులు, మత మార్పిడి బెదిరింపుల గురించి నిధా ఖాన్కు ఇమెయిల్ ద్వారా ఫిర్యాదులు చేశారు. అయితే, ఆమె ఈ ఫిర్యాదులను పట్టించుకోకపోగా, నిందితులకు అండగా నిలిచింది. దీంతో టీమ్ లీడర్లు రెచ్చిపోయి దారుణాలకు ఒడిగట్టారు.
మధ్యతరగతి మహిళలే టార్గెట్: ఉద్యోగం తప్పనిసరి అయిన మధ్యతరగతి కుటుంబాలకు చెందిన మహిళా ఉద్యోగులనే ఈ ముఠా టార్గెట్ చేసినట్లు పోలీసుల విచారణలో వెల్లడైంది. నిధా ఖాన్ అరెస్టుతో ఈ వ్యవహారం వెనుక ఇంకా ఎవరెవరి హస్తం ఉందనే కోణంలో పోలీసులు విచారణను ముమ్మరం చేశారు.
పూణే లింక్: నిధా ఖాన్కు పూణేలో కూడా ఇలాంటి నెట్వర్క్లతో సంబంధాలు ఉన్నాయని సమాచారం అందడంతో, పోలీసులు పూణే లింక్స్పై దృష్టి సారించారు. ఇప్పటికే ఈ వ్యవహారంపై అరడజనుకు పైగా ఎఫ్ఐఆర్ (FIR)లు నమోదయ్యాయి. ఒక ప్రతిష్టాత్మక ఐటీ కంపెనీలో ఇలాంటి పరిణామాలు చోటుచేసుకోవడం ఇప్పుడు దేశవ్యాప్తంగా చర్చనీయాంశమైంది.