జాతీయ రహదారుల (National Highways) గుండా ప్రయాణించే వాహనదారులకు శుభవార్త.. ఇకపై మీ ప్రయాణ కష్టాలు, ఖర్చులు తగ్గనున్నాయి. ఫిబ్రవరి 15 నుండి టోల్ ప్లాజాల వద్ద కొత్త నిబంధన అమలులోకి రానుంది.
టోల్ ఛార్జీల నిబంధనల్లో మార్పు! దేశవ్యాప్తంగా వాహనదారులకు వేగవంతమైన మరియు సౌకర్యవంతమైన ప్రయాణ అనుభవాన్ని అందించే లక్ష్యంతో కేంద్ర ప్రభుత్వం ఒక కీలక నిర్ణయం తీసుకుంది. పాక్షికంగా (Partially) అందుబాటులో ఉన్న నేషనల్ ఎక్స్‌ప్రెస్‌వేల టోల్ వసూలు నిబంధనలను సవరించింది. దీని ప్రకారం, ఒక ఎక్స్‌ప్రెస్‌వే దాని పూర్తి పొడవునా అందుబాటులో లేకపోతే, ప్రయాణికుల నుండి కేవలం ఎంత దూరం అయితే రోడ్డు సిద్ధంగా ఉందో, అంతవరకు మాత్రమే తక్కువ ధరకు టోల్ వసూలు చేస్తారు.
ఫిబ్రవరి 15 నుండి అమలు! టోల్ వసూలుకు సంబంధించిన ఈ కొత్త నిబంధన ఫిబ్రవరి 15 నుండి అమలులోకి వస్తుంది. ఇందుకోసం ‘నేషనల్ హైవేస్ ఫీజు (నిర్ధారణ మరియు వసూలు) – 2008’ నిబంధనలను కేంద్ర ప్రభుత్వం సవరించింది. కొత్త రూల్ ప్రకారం, ఒక ఎక్స్‌ప్రెస్‌వే ప్రారంభం నుండి చివరి వరకు పూర్తిగా తెరవబడకపోతే, ఎక్స్‌ప్రెస్‌వే రేట్ల కంటే తక్కువగా ఉండే సాధారణ నేషనల్ హైవే రేట్ల ప్రకారం మాత్రమే టోల్ వసూలు చేయాలి.
ప్రయాణికులకు ఊరట! ఇప్పటివరకు చాలా చోట్ల ఎక్స్‌ప్రెస్‌వే పనులు పూర్తికాకపోయినా, పాక్షికంగా ఉన్న రోడ్డుకే పూర్తి స్థాయి ఎక్స్‌ప్రెస్‌వే టోల్ వసూలు చేసేవారు. ఇది ప్రయాణికుల అసహనానికి కారణమయ్యేది. కొత్త నిబంధనతో ఈ సమస్య తీరనుంది. దీనివల్ల ప్రయాణికులపై ఆర్థిక భారం తగ్గడమే కాకుండా, పాత హైవేలపై ట్రాఫిక్ తగ్గి, వాహనాల రాకపోకలు వేగవంతం అవుతాయి. ఇది ఇంధన ఆదాకు మరియు కాలుష్య నివారణకు కూడా దోహదపడుతుందని ప్రభుత్వం భావిస్తోంది.