డొనాల్డ్ ట్రంప్ గ్రీన్‌లాండ్‌ను అమెరికాలో భాగంగా మార్చుకోవాలనే మొండి పట్టుదలతో ఉన్నారు. ఈ నేపథ్యంలో ఆర్కిటిక్ ద్వీపం భవిష్యత్తుపై డెన్మార్క్, గ్రీన్‌లాండ్ విదేశాంగ మంత్రులు వైట్ హౌస్‌లో జరిపిన చర్చలు విఫలమయ్యాయి.
సైనిక మోహరింపు: డెన్మార్క్ సార్వభౌమాధికారానికి మద్దతుగా ఫ్రాన్స్, జర్మనీ, నార్వే, స్వీడన్ వంటి దేశాలు తమ సైనికులను గ్రీన్‌లాండ్‌కు పంపడం ప్రారంభించాయి. దీనిని ‘ఆపరేషన్ ఆర్కిటిక్ ఎండ్యూరెన్స్’ (Operation Arctic Endurance) గా పిలుస్తున్నారు.
- ఫ్రాన్స్: మొదటి విడతగా సుమారు 15 మంది సైనికులు ఇప్పటికే గ్రీన్‌లాండ్ రాజధాని ‘నూక్’ (Nuuk) చేరుకున్నారు. మరిన్ని బలగాలు పంపుతామని అధ్యక్షుడు ఇమ్మాన్యుయేల్ మాక్రాన్ ప్రకటించారు.
- జర్మనీ: 13 మంది సభ్యులతో కూడిన నిఘా బృందాన్ని (Reconnaissance team) పంపింది.
- ఫిన్లాండ్: ఇద్దరు సైనిక అనుసంధాన అధికారులను పంపేందుకు సిద్ధమైంది.
ట్రంప్ వాదన: వైట్ హౌస్‌లో జరిగిన భేటీ తర్వాత ట్రంప్ మాట్లాడుతూ.. “మాకు గ్రీన్‌లాండ్ చాలా అవసరం. మేము అక్కడికి వెళ్లకపోతే రష్యా, చైనా ఆక్రమిస్తాయి. డెన్మార్క్ దీనిపై ఏమీ చేయలేదు, కానీ మేము ఏదైనా చేయగలం” అని వ్యాఖ్యానించారు. ఐరోపా సైనికుల మోహరింపు వల్ల తన నిర్ణయం మారబోదని వైట్ హౌస్ స్పష్టం చేసింది.