“తలుపు తీయమ్మా.. మామయ్య వచ్చాను!” — తాళం పగలగొట్టి చూసిన మేనమామకు ఊహించని షాక్.. మత్తు మైకంలో భార్య, కన్నకూతురిని చంపేసిన భర్త.. కనీసం పసిబిడ్డనైనా వదిలేయాల్సింది కదా అంటూ గుండెలవిసేలా రోదిస్తున్న కుటుంబం!

పంజాబ్ రాష్ట్రంలో మత్తుకు బానిసైన ఓ భర్త, తన భార్యను, 10 ఏళ్ల కన్నకూతురిని అత్యంత క్రూరంగా హత్య చేసి పరారైన ఘటన తీవ్ర కలకలం, దిగ్భ్రాంతిని రేపింది.

సెప్టెంబర్ 26న ఉదయం, ఎప్పటిలాగే పాపను పాఠశాలకు తీసుకెళ్లడానికి ఆమె మేనమామ ఇంటికి వచ్చాడు. బయట నుంచి ఎన్నిసార్లు పిలిచినా ఇంట్లో నుంచి ఎలాంటి సమాధానం రాకపోవడంతో, అనుమానం వచ్చి తన సోదరి ఇంటి వద్దకు వెళ్లి పరిశీలించాడు.

అక్కడ ఇంటి తలుపుకు బయట నుంచి తాళం వేసి ఉంది. దీంతో కంగారుపడిన అతడు తాళం పగలగొట్టి లోపలికి వెళ్లి చూడగా.. తన సోదరి, 10 ఏళ్ల మేనకోడలు రక్తపు మడుగులో విగతజీవులుగా పడి ఉండటం చూసి నిశ్చేష్టుడయ్యాడు.

మృతురాలి సోదరుడు తెలిపిన వివరాల ప్రకారం.. అతడి బావ మత్తుకు పూర్తిగా బానిసయ్యాడని, రకరకాల మాదకద్రవ్యాలను (డ్రగ్స్) వినియోగించేవాడని తెలిసింది. ఈ కారణంగానే ఇంట్లో భార్యాభర్తల మధ్య తరచూ గొడవలు జరిగేవని సమాచారం.

ఈ జంట హత్యలకు గల అసలు కారణాలు, నేపథ్యంపై పోలీసులు ముమ్మరంగా దర్యాప్తు చేస్తున్నారు. ఘటనా స్థలం నుంచి ఆధారాలను సేకరించిన పోలీసులు.. మృతదేహాలను పోస్టుమార్టం నిమిత్తం ఆసుపత్రికి తరలించి, పరారీలో ఉన్న నిందితుడి కోసం తీవ్రంగా గాలిస్తున్నారు.