ఆస్ట్రేలియా మరియు పపువా న్యూ గినియా దేశాల్లో కనిపించే ఒక వింత రకం ‘పాము మెడ తాబేలు’ (స్నేక్-నెక్డ్ టర్టిల్)కి సంబంధించిన వీడియో ప్రస్తుతం సోషల్ మీడియా ప్లాట్ఫార్మ్స్లో విపరీతమైన ఆశ్చర్యాన్ని కలిగిస్తోంది.
సాధారణ తాబేళ్ల కంటే దీని మెడ చాలా పొడవుగా ఉంటుంది. ఎంతలా అంటే, దాని వెనుక ఉండే గట్టి పెంకు (ఓడు) సైజులో సగం పొడవు కేవలం దీని మెడ మాత్రమే ఉంటుంది. అందుకే, దీన్ని మొదటిసారి చూసే ఎవరైనా.. ఇది తాబేలా లేక పామా అని పొరబడుతుంటారు. దాదాపు 11 అంగుళాల వరకు పెరిగే ఈ తాబేలు ఒక మాంసాహారి (కార్నివోర్). ఇది చేపలు, రొయ్యలు మరియు కీటకాలను ఒక పాము లాగే అత్యంత వేగంగా దాడి చేసి వేటాడుతుంది.
శత్రువుల నుండి రక్షించుకునే వింత సాంకేతికత..
ఈ తాబేలుకు ఉన్న ఒక విచిత్రమైన ఆత్మరక్షణ (డిఫెన్స్ మెకానిజం) సామర్థ్యం అందరినీ ఆశ్చర్యపరుస్తోంది. శత్రువులైన ఇతర జంతువుల నుండి తను తప్పించుకోవడానికి.. ఇది తన శరీరం నుండి ‘కస్తూరి’ (మస్క్) లాంటి అత్యంత ఘాటైన దుర్వాసనతో కూడిన ఒక రకమైన ద్రవాన్ని విడుదల చేస్తుంది.
ఈ భరించలేని దుర్వాసన కారణంగా శత్రు జీవులు దాని జోలికి రాకుండా అక్కడి నుండి పారిపోతాయి. అందుకే దీనిని ‘దుర్వాసన తాబేలు’ (స్టాంక్ టర్టిల్) అని కూడా పిలుస్తారు. అత్యంత అరుదైన ఈ వింత జీవి వీడియోను చూసిన నెటిజన్లు.. “ఇది సగం తాబేలు, సగం పాములా విచిత్రంగా ఉంది” అంటూ ఆశ్చర్యపోతూ కామెంట్లు పెడుతున్నారు.
Leave a Reply