ఇటీవల ఒకరి ఇంట్లో పెయింటింగ్ పనులు జరుగుతున్నప్పుడు, కొత్తగా తీసుకువచ్చిన పెయింట్ బకెట్లను కార్మికుడికి ఇచ్చారు.
ఆయన మొదటి పెయింట్ డబ్బా మూత తీసిన వెంటనే, దాని లోపలి నుండి ఊహించని విధంగా రూ.400 విలువైన గిఫ్ట్ టోకెన్ ఒకటి కింద పడింది. ఇది చూసి ఇంటి యజమాని ఆశ్చర్యపోయి, పెయింట్ డబ్బాల్లో నిజంగానే డబ్బులు ఉంటాయా అని అతడిని అడిగారు.
దానికి సమాధానమిచ్చిన కార్మికుడు, కొన్ని పెయింట్ తయారీ కంపెనీలు తమ విక్రయాలను పెంచుకోవడానికి చేసే ప్రచార వ్యూహంలో భాగంగా రూ. 50 నుండి రూ.400, ఆపై విలువ కలిగిన క్యాష్ గిఫ్ట్ టోకెన్లను డబ్బాల్లో ఉంచడం అలవాటని తెలిపాడు. ఈ సంఘటన విన్న యజమాని, ఇది ముందే తెలిసుంటే డబ్బాలన్నీ నేనే ముందుగా తీసి చూసేవాడిని అని నవ్వుతూ అన్నాడు. ఇది అన్ని బకెట్లలో దొరకనప్పటికీ, అనుకోకుండా లభించే ఇలాంటి క్యాష్ రివార్డులు కస్టమర్లకు, కార్మికులకు ఒక సంతోషకరమైన అనుభవంగా నిలుస్తాయి.