“దయచేసి నా ఇంటి పత్రాలు ఇవ్వండి..!” టీ తాగుతూ బిస్కెట్లు తింటూ తిప్పించుకున్న అధికారి… చివరికి వీడియో బయటపెట్టిన మహిళ! 2 నిమిషాల్లో చేతికి వచ్చిన ఫైల్… ప్రభుత్వ కార్యాలయంలో ఏం జరిగింది..?

హిమాచల్ ప్రదేశ్‌లోని హమీర్‌పూర్ జిల్లా బౌరంజ్ ప్రాంతంలో, జాతీయ రహదారి ప్రాజెక్ట్ కింద భూసేకరణ జరిగిన వ్యవహారంలో ఒక ప్రభుత్వ అధికారి మహిళను ఇబ్బంది పెట్టిన ఘటన తీవ్ర కలకలం రేపింది.

కార్యాలయంలో ఒక మహిళ తన భూమికి సంబంధించిన ఫైళ్లు ఎక్కడ ఉన్నాయని నిరంతరం అడుగుతుండగా, అక్కడ ఉన్న రిటైర్డ్ నయాబ్ తహశీల్దార్ దేని గురించీ పట్టించుకోకుండా నిమ్మకు నీరెత్తినట్లు టీ తాగుతూ, బిస్కెట్లు తింటూ కాలాన్ని వృథా చేశాడు.

కిరణ్ పర్మార్ అనే ఆ మహిళ, తన ఇంటి పత్రాలను పొందడం కోసం ఒక వారం క్రితమే దరఖాస్తు చేసుకుంది. అయితే, పలుమార్లు ఆఫీసు చుట్టూ తిప్పించుకున్న అధికారులు, ఆమె మధ్యాహ్నం 12 గంటలకు వెళ్లినప్పుడు ఫైల్ పోయిందని చెప్పారు. అంతేకాకుండా, మూడోసారి వెళ్లినప్పుడు ఆ మహిళను అధికారులు బెదిరించారని కూడా తెలుస్తోంది.

దీంతో ఆగ్రహం చెందిన ఆ మహిళ, తహశీల్దార్ టీ తాగుతూ నిర్లక్ష్యంగా వ్యవహరిస్తున్న దృశ్యాలను తన సెల్‌ఫోన్‌లో వీడియో తీసి సోషల్ మీడియాలో పోస్ట్ చేసింది. ఆ వీడియో సోషల్ మీడియాలో వైరల్ అయిన వేగంలో, కేవలం రెండు నిమిషాల్లోనే ఆ మహిళకు ఫైళ్లు లభించాయి.

ఇదిలా ఉండగా, భూసేకరణ వ్యవహారంలో ఆ మహిళ భర్తకుదనంగా నష్టపరిహారం చెల్లించబడిందని, దాన్ని తిరిగి రికవరీ చేసే పని చట్టపరంగా జరుగుతోందని శశిపాల్ శర్మ వివరణ ఇచ్చారు. అంతేకాకుండా, అత్యవసరంగా కోర్టులో కేసు వేయడానికే ఆ మహిళ ఫైళ్లను తక్షణమే అడిగిందని ఆయన పేర్కొన్నారు. ఏది ఏమైనప్పటికీ, ఫైళ్లు ఇవ్వకుండా ప్రజలను నిర్లక్ష్యం చేసిన తహశీల్దార్ చర్యపై, అలాగే ఆ తర్వాత ఆ మహిళకు వచ్చిన బెదిరింపులపై సమగ్ర విచారణకు ఉత్తర్వులు జారీ అయ్యాయి.