దుబాయ్‌లో నివసిస్తున్న వలస కార్మికుల జీవితం ఎంత కఠినంగా ఉంటుందో తెలియజేసే ఒక వీడియో ఇప్పుడు సోషల్ మీడియాలో వైరల్‌గా మారింది. భారత సంతతికి చెందిన పంకజ్ చౌహాన్ అనే వ్యక్తి షేర్ చేసిన ఈ దృశ్యాలు, విదేశాల్లో డబ్బు సంపాదించడానికి వెళ్ళిన వారి అసలు పరిస్థితిని కళ్ళకు కట్టినట్లు వివరిస్తున్నాయి.
ఈ వీడియోలో తెల్లవారుజామున 4:45 గంటలకే వందలాది మంది కార్మికులు వరుసలో నిలబడి బస్సు ఎక్కుతున్న దృశ్యం ఉంది. లేబర్ క్యాంప్ (కార్మికుల వసతి గృహం) వద్ద తీసిన ఈ వీడియోలో, కార్మికులు సేఫ్టీ హెల్మెట్లు ధరించి సూర్యోదయానికి ముందే తమ పని ప్రదేశాలకు వెళ్లడానికి సిద్ధంగా ఉన్నారు. “దుబాయ్ ప్రస్తుత పరిస్థితి ఇది” అని వీడియో తీసిన వ్యక్తి వ్యాఖ్యానించారు.
వలస జీవితంలోని చేదు నిజం సుమారు 6 లక్షలకు పైగా వ్యూస్ సాధించిన ఈ వీడియో చూసి నెటిజన్లు భావోద్వేగానికి లోనవుతున్నారు. “మన భారత్ కంటే మిన్న అయినది ఏదీ లేదు, కుటుంబం కంటే పెద్ద సంపద మరొకటి లేదు” అని చాలా మంది అభిప్రాయపడుతున్నారు. సౌదీ అరేబియా సహా ఇతర అరబ్ దేశాల్లో తాము కూడా ఇలాంటి కష్టాలను అనుభవించామని కొందరు తమ పాత జ్ఞాపకాలను పంచుకున్నారు.
కుటుంబానికి దూరంగా ఉండే బాధ డబ్బు సంపాదించాలనే లక్ష్యంతో కుటుంబాన్ని వదిలి వేల మైళ్ల దూరం వెళ్లే వారి త్యాగాల గురించి సోషల్ మీడియాలో చర్చ జరుగుతోంది. “కష్టమైనా, సుఖమైనా కుటుంబంతో కలిసి ఉండి సంపాదించుకోవడమే నిజమైన సుఖం” అనే సందేశాలు కామెంట్ బాక్స్‌లో నిండిపోయాయి. భారత్‌లో చిన్న చిన్న విషయాలకే ఫిర్యాదు చేసేవారు ఒక్కసారి ఈ కార్మికుల జీవితాలను చూడాలని కొందరు ఘాటుగా స్పందించారు.