చైనాలోని ఒక ఆసుపత్రిలో జరిగిన విచిత్రమైన, అనూహ్య ఘటనకు సంబంధించిన వీడియో ప్రస్తుతం సోషల్ మీడియాలో విపరీతంగా చక్కర్లు కొడుతోంది.
ఆసుపత్రిలోని వెయిటింగ్ ఏరియాకు వచ్చిన ఇద్దరు స్నేహితుల్లో ఒకరి మెడ.. అక్కడున్న కుర్చీ రాడ్ల మధ్య ప్రమాదవశాత్తు ఇరుక్కుపోయింది. అది చూసి కంగారుపడిన మరో స్నేహితుడు అతడిని బయటకు తీసేందుకు సహాయం చేయబోయాడు. అయితే ఊహించని విధంగా అతడి మెడ కూడా అదే కుర్చీ సందులో ఇరుక్కుపోయింది.
మిత్రుడిని కాపాడబోయి ఇద్దరూ కలిసి ఒకే కుర్చీలో బందీలుగా మారడం చూసి అక్కడున్న పేషెంట్లు, ఆసుపత్రి సిబ్బంది అవాక్కయ్యారు. వెంటనే అప్రమత్తమైన సిబ్బంది అక్కడికి చేరుకుని, కాసేపు శ్రమించి ఇద్దరినీ ఆ కుర్చీ పట్టు నుంచి సురక్షితంగా బయటకు తీశారు.
స్నేహితుడికి సాయం చేయబోయి తానూ ఇరుక్కుపోయిన ఈ వింత దృశ్యాలు ప్రస్తుతం సోషల్ మీడియాలో నవ్వులు పూయిస్తూ తెగ వైరల్ అవుతున్నాయి.