“దేవుడా!.. రైలును బోల్తా కొట్టించేందుకు పన్నిన భారీ కుట్రనా?” పట్టాలపై రాయి, ఇనుప ముక్కలు స్వాధీనం.. సకాలంలో ప్రమాజాన్ని తప్పించిన రైల్వే భద్రతా బలగాలు..!!

కేరళలోని ఒట్టప్పాలం, షోరనూర్ రైల్వే స్టేషన్ల మధ్య రైలును పట్టాలు తప్పించే ఉద్దేశంతో పట్టాలపై అనుమానాస్పద రీతిలో వస్తువులను ఉంచిన ఘటన తీవ్ర కలకలం రేపింది. రైలు మార్గంలో మూడు వేర్వేరు చోట్ల రాళ్లు, ఇనుప ముక్కలు, సిమెంట్ వస్తువులు ఉన్నట్లు గుర్తించడంతో అక్కడ భద్రతను కట్టుదిట్టం చేశారు.

తప్పిన పెను ప్రమాదం:
ఈ విధ్వంస యత్నం జరిగిన సమయంలో ఆ మార్గంలో ఎలాంటి రైళ్లు రాకపోవడంతో, తృటిలో పెద్ద ప్రమాదం తప్పిందని రైల్వే అధికారులు ఊపిరి పీల్చుకున్నారు. పట్టాలపై ఉంచిన ప్రమాదకరమైన వస్తువులను వెంటనే స్వాధీనం చేసుకుని తొలగించిన రైల్వే పోలీసులు, ఈ కుట్రకు పాల్పడిన బీహార్ రాష్ట్రానికి చెందిన యువకుడిని తక్షణమే అరెస్ట్ చేసి విచారిస్తున్నారు.

రైలు రవాణా వ్యవస్థను అస్తవ్యస్తం చేసేందుకు పథకం ప్రకారం జరిగిన ఈ కుట్రపై తీవ్రస్థాయిలో దర్యాప్తు జరుగుతుండటంతో ఆ ప్రాంతంలో ఉద్రిక్త వాతావరణం నెలకొంది. ప్రజల ప్రాణాలతో చెలగాటమాడే ఇలాంటి అసాంఘిక కార్యకలాపాలకు పాల్పడే వారిపై కఠిన చట్టపరమైన చర్యలు తీసుకుంటామని సంబంధిత అధికారులు హెచ్చరించారు.