ఉత్తరప్రదేశ్ రాష్ట్రం లక్నోలో సంచలనం సృష్టించిన యువ పారిశ్రామికవేత్త శివ శర్మ అనుమానాస్పద మృతి కేసులో, అనేక రోజులుగా పోలీసులకు చిక్కకుండా తలదాచుకున్న ప్రధాన నిందితురాలు, మోడల్ శ్రద్ధా దూబే (Shraddha Dubey) చివరకు అరెస్ట్ అయ్యింది.
ఉత్తరప్రదేశ్ ఎస్‌టీఎఫ్ (UP STF) మరియు లక్నో స్థానిక పోలీసులు సంయుక్తంగా నిర్వహించిన ఆపరేషన్‌లో మహారాష్ట్రలోని నాగ్‌పూర్‌లో ఆమెను పోలీసులు అదుపులోకి తీసుకున్నారు. ఈ అరెస్ట్‌తో కేసులో కీలక పురోగతి లభించింది.
కొన్ని రోజుల క్రితం లక్నోలోని ఒక అపార్ట్‌మెంట్ నాల్గవ అంతస్తు నుండి కిందపడి యువ పారిశ్రామికవేత్త శివ శర్మ దుర్మరణం చెందారు. మొదట ఇది ప్రమాదంగా భావించినప్పటికీ, మృతిచెందిన యువకుని తల్లి ఇచ్చిన ఫిర్యాదుతో ఈ కేసు తీవ్రరూపం దాల్చింది. సోషల్ మీడియా ఇన్‌ఫ్లుయెన్సర్ మరియు మోడల్ అయిన శ్రద్ధా దూబేపై హత్య ఆరోపణలు వచ్చాయి.
నేపథ్యం:
శివ శర్మ తల్లి ఇచ్చిన ఫిర్యాదు ప్రకారం, ఆమె కుమారుడు గత నాలుగు నెలలుగా శ్రద్ధా దూబేతో సన్నిహితంగా ఉంటూ ‘లివ్-ఇన్’ రిలేషన్‌షిప్‌లో గడుపుతున్నారు. ఘటన రోజున ఇద్దరి మధ్య గొడవ జరిగి, ఆమె అతడిని తీవ్రంగా కొట్టి, ఆ తర్వాత నాల్గవ అంతస్తు నుండి తోసివేసి హత్య చేసిందని ఆమె కన్నీరుమున్నీరవుతూ ఇచ్చిన వాంగ్మూలం యూపీని కుదిపేసింది.
ఈ కేసులో నిందితురాలు పరారీలో ఉండటంతో రాష్ట్ర పోలీసులకు ఇది పెద్ద సవాలుగా మారింది. ఎట్టకేలకు ఎస్‌టీఎఫ్ బృందం నాగ్‌పూర్‌లో తలదాచుకున్న శ్రద్ధా దూబేను అరెస్ట్ చేసి విచారణను ముమ్మరం చేసింది.
Leave a Reply