భారత జాతీయ రహదారుల అధికార సంస్థ (NHAI) వాహనదారులకు ఒక ముఖ్యమైన హెచ్చరిక జారీ చేసింది. గత ఏడాది ప్రారంభించిన ‘ఫాస్టాగ్ వార్షిక పాస్’ (FASTag Annual Pass) పేరుతో అనేక నకిలీ వెబ్‌సైట్లు మరియు లింకులు ఇంటర్నెట్‌లో హల్‌చల్ చేస్తున్నాయి. వీటి ద్వారా మోసగాళ్లు అమాయక వాహనదారుల నుండి డబ్బులు వసూలు చేస్తున్నారు.
ఈ స్కామ్ ఎలా జరుగుతుంది? అర్హత కలిగిన ప్రైవేట్ వాహనాలకు ఏడాది పొడవునా లేదా 200 ట్రిప్పుల వరకు జాతీయ రహదారులపై ప్రయాణించడానికి ₹3,000 ధరతో NHAI ఈ వార్షిక పాస్‌ను అందిస్తోంది. దీనిని ఆసరాగా చేసుకున్న మోసగాళ్లు:
- అచ్చం అధికారిక వెబ్‌సైట్లలాగే కనిపించే నకిలీ వెబ్‌సైట్లను సృష్టిస్తున్నారు. ఇవి గూగుల్ సెర్చ్‌లో ప్రకటనల ద్వారా పైన కనిపిస్తాయి.
- వినియోగదారులను మాయమాటలతో నమ్మించి వారి పేమెంట్ వివరాలు లేదా క్యూఆర్ (QR) కోడ్‌లను స్కాన్ చేయిస్తున్నారు.
- దీనివల్ల ₹3,000 నగదును కోల్పోవడమే కాకుండా, వాహన వివరాలు మరియు వ్యక్తిగత డేటా మోసగాళ్ల చేతుల్లోకి వెళ్తోంది.
ఆన్‌లైన్ మోసాల నుండి తప్పించుకోవడం ఎలా? NHAI స్పష్టమైన క్లారిటీ ఇచ్చింది: ఫాస్టాగ్ వార్షిక పాస్ కేవలం అధికారిక ‘రాజమార్గ్‌యాత్ర’ (Rajmarg Yatra) మొబైల్ యాప్ ద్వారా మాత్రమే విక్రయించబడుతుంది. ఏ ఇతర వెబ్‌సైట్లు, సోషల్ మీడియా పేజీలు, వాట్సాప్ లేదా టెలిగ్రామ్ లింకులు దీనిని విక్రయించడానికి అధికారం కలిగి లేవు