సోషల్ మీడియాలో వైరల్ అవుతున్న ఒక వీడియోలో.. ఒక యువకుడు నది మధ్యలో నిలబడి, ఒడ్డున ఉన్న ఒక కోతిని కావాలని గెలుకుతూ (ఏడిపిస్తూ) వినోదం చూస్తున్నాడు.
తాను నీటిలో సురక్షితంగా ఉన్నానని భావించి అతను చేసిన అల్లరి, హేళన ఆ కోతికి తీవ్ర కోపాన్ని తెప్పించాయి. సాధారణంగా కోతులకు నీరంటే ఇష్టం ఉండదనే నమ్మకంతో సదరు యువకుడు అక్కడ తన “హీరోయిజం” ప్రదర్శిస్తూ నిలబడ్డాడు. అయితే, ఓపిక నశించిన ఆ మూగజీవం.. క్షణాల వ్యవధిలో నదిలోకి దూకి, మెరుపు వేగంతో అతని వైపు ఈదుకుంటూ రావడం ప్రారంభించింది.
కోతి రివర్స్ ఎటాక్ – ప్రాణభయంతో పరుగులు:
కోతి నుండి ఇలాంటి మెరుపు దాడిని అస్సలు ఊహించని ఆ యువకుడు, భయంతో అరుస్తూ తన ప్రాణాలను కాపాడుకోవడానికి అక్కడి నుండి పరుగు లంకించుకున్నాడు. వన్యప్రాణులతో అవసరం లేని గొడవలు పెట్టుకుంటే ఎలాంటి పరిణామాలు ఎదురవుతాయో చెప్పడానికి ఈ ధైర్యసహస్రాలు గల కోతి నేర్పిన గుణపాఠమే ఒక ఉత్తమ ఉదాహరణ అంటూ ఈ వీడియో ఇంటర్నెట్లో తెగ చక్కర్లు కొడుతోంది.