సోషల్ మీడియాలో ఓ సరదా వీడియో వైరల్‌గా మారింది. ఓ మహిళ హిప్పోకు ఆపిల్ పండు తినిపించేందుకు ప్రయత్నించగా, గురి తప్పడంతో ఆ పండు నీళ్లలో పడిపోయింది. దీంతో ఆపిల్ కోసం నోరు తెరిచి ఎదురుచూస్తున్న హిప్పో ప్రవర్తన నెటిజన్లను నవ్విస్తోంది.
ఆపిల్ కోసం ఎదురుచూసిన హిప్పో!
వైరల్ వీడియోలో ఓ మహిళ నీటిలో ఉన్న హిప్పోకు ఆపిల్ పండును విసిరి తినిపించేందుకు ప్రయత్నిస్తుంది. ఆమె చేతిలోని సంచిలో నుంచి ఆపిల్ తీసి హిప్పో వైపు విసురుతుంది. అయితే, గురి తప్పడంతో పండు హిప్పో నోటిలో పడకుండా నేరుగా నీళ్లలో పడిపోతుంది.
ప్రతిసారీ ఆపిల్ తన నోటికి అందుతుందని ఆశిస్తూ నోరు తెరిచి ఎదురుచూసిన హిప్పోకు నిరాశే ఎదురవుతుంది. ఇలా పలుమార్లు జరగడంతో అది ఒక్కసారిగా తన శరీరాన్ని గట్టిగా ఊపుతూ అసహనాన్ని ప్రదర్శిస్తుంది.
హిప్పో రియాక్షన్‌కు నెటిజన్లు ఫిదా!
ఆపిల్ పండు నీళ్లలో పడిన ప్రతిసారీ హిప్పో చూపించిన ప్రతిస్పందన, చివరికి శరీరాన్ని ఊపుతూ చిరాకు వ్యక్తం చేసిన తీరు వీడియోకు మరింత వినోదాన్ని జోడించాయి. దీనికి నేపథ్యంగా వినిపించే సంగీతం కూడా ఆ దృశ్యాన్ని మరింత సరదాగా మార్చింది.
ఈ వీడియో సోషల్ మీడియాలో వైరల్ అవుతుండటంతో నెటిజన్లు సరదా కామెంట్లు చేస్తున్నారు. ఆపిల్ కోసం ఆశగా ఎదురుచూసిన హిప్పోకు చివరకు నిరాశే మిగిలిందంటూ నవ్వుకుంటున్నారు.
Leave a Reply