టెహ్రాన్: ఇరాన్ కొత్త సుప్రీం లీడర్ మొజ్తబా ఖమేనీకి గతంలో శృంగార సామర్థ్య లోపాలు (Impotence) ఉన్నాయని, అలాగే ఆయన స్వలింగ సంపర్కి అయి ఉండవచ్చని అమెరికా నిఘా సంస్థలు అధ్యక్షుడు డొనాల్డ్ ట్రంప్‌కు నివేదిక సమర్పించాయి. ఈ వివరాలను విన్న తర్వాత ట్రంప్ గట్టిగా నవ్వినట్లు సమాచారం.
సంచలన నివేదిక: గత నెల 28న ఇరాన్‌పై అమెరికా-ఇజ్రాయెల్ దాడుల తర్వాత అలీ ఖమేనీ మరణించగా, ఆయన కుమారుడు మొజ్తబా బాధ్యతలు చేపట్టారు. అయితే ఆయన ఎక్కడ ఉన్నారనేది మిస్టరీగా మారింది. ఈ క్రమంలో మొజ్తబా గురించి వివరాలు సేకరిస్తున్న అమెరికా నిఘా వర్గాలు ట్రంప్‌కు ఒక రహస్య నివేదికను అందించాయి. అందులోని అంశాలు:
- వ్యక్తిగత సంబంధం: మొజ్తబా ఖమేనీ తన చిన్ననాటి గురువుతో సుదీర్ఘకాలం సంబంధంలో ఉన్నట్లు నిఘా వర్గాలు అనుమానిస్తున్నాయి. సదరు వ్యక్తి గతంలో ఖమేనీ కుటుంబంలో పనిచేశారని, వీరిద్దరి మధ్య సంబంధం ఏళ్ల తరబడి కొనసాగిందని సమాచారం.
- ఫోటో ఆధారాలు: 2024లో ఇబ్రహీం రైసీ మరణించిన సమయంలోనే ఈ వార్తలు వ్యాపించాయి. దీనికి సంబంధించి ఫోటో ఆధారాలు లేకపోయినప్పటికీ, ఈ సమాచారం అత్యంత నమ్మదగ్గదని నివేదిక పేర్కొంది.
లండన్‌లో వైద్య చికిత్స: నివేదిక ప్రకారం మొజ్తబా ఖమేనీకి సంతానలేమి లేదా శృంగార సామర్థ్య లోపం ఉండేది. దీని కోసం ఆయన తన 30 ఏళ్ల వయస్సు వరకు వివాహం చేసుకోలేదు. చికిత్స నిమిత్తం ఆయన పలుమార్లు లండన్ వెళ్లినట్లు, అక్కడ వైద్యం చేయించుకున్న తర్వాతే ఆయన సమస్య సర్దుమణిగిందని నివేదికలో ఉంది. ఆయన భార్య జహ్రా కూడా నాలుగోసారి చికిత్స పొందిన తర్వాతే గర్భం దాల్చినట్లు సమాచారం.
ఇరాన్ చట్టాలు – విరుద్ధమైన పరిస్థితి: ఇరాన్ వంటి ఇస్లామిక్ దేశాల్లో స్వలింగ సంపర్కం అనేది చట్టవిరుద్ధం మరియు అత్యంత కఠినమైన శిక్షలు ఉంటాయి. అటువంటి దేశానికి సుప్రీం లీడర్‌గా ఉన్న వ్యక్తిపైనే ఇలాంటి ఆరోపణలు రావడం అంతర్జాతీయంగా చర్చనీయాంశమైంది.
కుటుంబ నేపథ్యం: మొజ్తబా ఖమేనీ భార్య పేరు జహ్రా. వారికి ఇద్దరు కుమారులు, ఒక కుమార్తె ఉన్నారు. ఇటీవలి దాడుల్లో ఆయన భార్య జహ్రా మరియు చిన్న కుమారుడు మొహమ్మద్ బక్కర్ ఖమేనీ మరణించగా, మొజ్తబా తీవ్ర గాయాలతో చికిత్స పొందుతున్నారు. ఆయన పెద్ద కుమారుడు, కుమార్తె క్షేమంగా ఉన్నట్లు సమాచారం.