“నాకు ఆహారం ఇస్తేనే దారి వదులుతా.. ఇదేదో కొత్త రకం టోల్ గేట్‌లా ఉందే..!” జాతీయ రహదారిపై వాహనాలను అడ్డుకున్న గజరాజు.. నెట్టింట వైరల్ అవుతున్న ఆసక్తికర దృశ్యం..!!

జాతీయ రహదారిపై ప్రయాణిస్తున్న వాహనదారులకు ఊహించని విధంగా ఏనుగు రూపంలో ఓ ‘టోల్ ప్లాజా’ ఎదురుకావడం అందరినీ ఆశ్చర్యానికి గురిచేసింది.

రోడ్డు మధ్యలోకి దర్జాగా వచ్చి నిలబడిన ఆ తెలివైన ఏనుగు, అటుగా వెళ్తున్న లారీలు, కార్లను అడ్డుకుని నిలబడింది.

‘నాకు తినడానికి కూరగాయలు లేదా పండ్లు ఇస్తే తప్ప ముందుకు వెళ్లనివ్వను’ అన్నట్లుగా.. తన తొండాన్ని చాపి వాహనాల్లో ఉన్న ఆహార పదార్థాలను అడిగి మరీ తీసుకుంది.

ఏనుగు చేసిన ఈ ఆసక్తికరమైన పనిని చూసిన వాహనదారులు ఏమాత్రం భయపడకుండా, తమ వాహనాల్లో ఉన్న పండ్లు, ఇతర తినుబండారాలను సంతోషంగా ఆ ఏనుగుకు అందించారు.

ఆహారం తీసుకున్న తర్వాతే వాహనాలను అక్కడి నుంచి వెళ్లనిచ్చిన ఈ ‘తెలివైన ఏనుగు’ వీడియో, ప్రస్తుతం సోషల్ మీడియాలో వైరల్‌గా మారి చూసేవారిని ఎంతగానో ఆకట్టుకుంటోంది.