చలికాలంలో చాలామందికి శ్వాసకోశ ఇన్ఫెక్షన్లు వస్తుంటాయి. వీటికి అత్యంత నమ్మదగిన పరిష్కారం పసుపు. ఇది జలుబు, దగ్గు, బ్రోన్కైటిస్ మరియు ఆస్తమా వంటి సమస్యలకు అద్భుతమైన ఔషధంగా పనిచేస్తుంది. ఒక గ్లాసు గోరువెచ్చని పాలలో ఒక చెంచా పసుపు పొడి కలిపి రోజుకు రెండుసార్లు తాగాలి. దీనికి అల్లం, మిరియాల పొడి కలిపితే మరింత ప్రయోజనం ఉంటుంది.
తేనె ఒక సహజ క్రిమినాశకారి. కాబట్టి, శ్వాసకోశ ఇన్ఫెక్షన్ల చికిత్సలో ఇది చాలా ప్రభావవంతంగా ఉంటుంది. అలాగే ఇందులో యాంటీ ఆక్సిడెంట్లు ఎక్కువగా ఉండటం వల్ల రోగనిరోధక శక్తి పెరుగుతుంది. ఒక కప్పు వేడి నీరు లేదా టీలో ఒక స్పూన్ తేనె కలిపి రోజుకు రెండుసార్లు తీసుకోవాలి.
ఆవిరి పట్టడం: ఇది శ్వాసకోశ సమస్యలకు ఉత్తమ పరిష్కారం. ఆవిరి పట్టడం వల్ల శ్వాసనాళాల్లో పేరుకుపోయిన కఫం బయటకు వస్తుంది. ఒక పాత్రలో నీటిని మరిగించి, టవల్ లేదా దుప్పటి కప్పుకుని పది నిమిషాల పాటు నోటి ద్వారా ఆవిరిని పీల్చాలి.
నీరు ఎక్కువగా తాగాలి: చలికాలంలో శరీరం డీహైడ్రేట్ కాకుండా చూసుకోవాలి. రోజంతా తగినంత నీరు తాగడంతో పాటు హెర్బల్ టీ లేదా పండ్ల రసాలు తీసుకోవచ్చు. ఐస్‌క్రీమ్‌లు లేదా కూల్‌డ్రింక్స్‌ వంటి చల్లని పదార్థాలను అస్సలు ముట్టుకోవద్దు. దీనివల్ల వైరస్, బ్యాక్టీరియా పెరిగి సమస్య తీవ్రమవుతుంది.
మూలికా టీ: టీ పొడి, పుదీనా, తులసి ఆకులు, మిరియాలు, అల్లం, రోజా రేకులు వేసి నీటిలో మరిగించి వడగట్టి తాగాలి. ఇది గొంతు గరగర మరియు జలుబుకు మంచి మందు.
జాగ్రత్తలు:
- వేడి నీటిలో కల్లు ఉప్పు వేసి రోజుకు రెండుసార్లు పుక్కిలించాలి.
- ఉదయం అల్లం టీ, మధ్యాహ్నం శొంఠి పాలు, రాత్రి పసుపు-మిరియాల పాలు తాగడం మంచిది.
- రాత్రి భోజనాన్ని 7 గంటల లోపే ముగించాలి.
- బయటకు వెళ్లి వచ్చిన తర్వాత వేడి నీటిలో పసుపు వేసి చేతులు, కాళ్లు కడుక్కోవాలి.
- శీతాకాలంలో చర్మం పొడిబారకుండా ఉండాలంటే గోరువెచ్చని నీటితో స్నానం చేయాలి.
శ్వాసకోశ ఆరోగ్యం కోసం కషాయం: అల్లం, లవంగం, తులసి, వాము ఆకు (కర్పూరవల్లి), మిరియాలు, యాలకులు, వెల్లుల్లి, సోంపు, వాము, జీలకర్ర వేసి పది నిమిషాలు మరిగించి వడగట్టి తాగాలి. ఇది ఊపిరితిత్తుల పనితీరును మెరుగుపరుస్తుంది. అలాగే వాము, పసుపు, నీలగిరి తైలం (Eucalyptus oil) వేసి ఆవిరి పడితే మார்பులో పేరుకున్న కఫం కరిగిపోతుంది.