“నీకు 3 రోజులు. నాకు 3 రోజులు. భర్తను పంచుకున్న భార్యలు. మగ సంతానం ఆశతో 2 పెళ్లాలు. పంచాయితీ ముగిసిన వారంలోనే ట్విస్ట్. ఊరంతా వెతుకుతున్న భర్త. ఏం జరిగింది..?”

ఉత్తర ప్రదేశ్‌లోని రాంపూర్ జిల్లాకు చెందిన ఒక వ్యక్తి మగ సంతానం కావాలనే ఆశతో రెండు పెళ్లిళ్లు చేసుకున్న వ్యవహారం ప్రస్తుతం ఆ ప్రాంతంలో తీవ్ర కలకలం రేపింది.

మొదటి భార్య ద్వారా ఇద్దరు ఆడపిల్లలు, రెండవ భార్య ద్వారా ఇద్దరు ఆడపిల్లలు జన్మించిన నేపథ్యంలో, భర్త రెండవ భార్యతో మాత్రమే నివసిస్తూ మొదటి భార్యను వదిలేశాడు. దీనివల్ల ఏర్పడిన కుటుంబ గొడవలు మరియు ఆర్థిక సంక్షోభాన్ని పరిష్కరించడానికి ఆ ప్రాంతంలోని గ్రామ పంచాయతీ ఒక విచిత్రమైన తీర్పును ఇచ్చింది.

దాని ప్రకారం, భర్త వారంలో 3 రోజులు మొదటి భార్యతో, తదుపరి 3 రోజులు రెండవ భార్యతో గడపాలని, 7వ రోజు ఆయన ఎక్కడైనా గడపవచ్చని పంచాయతీ ఉత్తర్వులు జారీ చేసింది. ప్రారంభంలో ఈ తీర్పుకు అందరూ అంగీకరించినప్పటికీ, ఆ విచిత్రమైన ఫార్ములా ఒక వారంలోపే ఘోరంగా విఫలమైంది. పంచాయతీ తీర్పు ఇచ్చిన ఏడు రోజుల తర్వాత, ఆదివారం నాడు రెండవ భార్య తన ఇద్దరు పిల్లలలో ఒకరిని తీసుకుని హఠాత్తుగా ఇంట్లో నుండి మాయమైంది.

భర్త పలు చోట్ల వెతికినా భార్య జాడ దొరక్కపోవడంతో ప్రస్తుతం అయోమయంలో పడిపోయాడు. ఈ సంఘటనపై దతియాల్ పోలీస్ స్టేషన్ ఇన్ఛార్జ్ బ్రిజేష్ కుమార్ జైస్వాల్ మాట్లాడుతూ, ఇప్పటివరకు తమకు ఎటువంటి రాతపూర్వక ఫిర్యాదు అందలేదని, ఫిర్యాదు అందజేస్తే దాని ఆధారంగా క్రమబద్ధమైన విచారణ జరిపి తగిన చర్యలు తీసుకుంటామని తెలిపారు.