“నువ్వా నేనా?!” పంచాయతీ సమావేశంలో దిగ్భ్రాంతికర ఘర్షణ… కుర్చీలతో పరస్పర దాడి! గదిలోకి వెళ్లి తలుపేసుకున్న సర్పంచ్… యు.పి.లో తీవ్ర కలకలం!

ఉత్తరప్రదేశ్ రాష్ట్రం రాంపూర్ జిల్లా సైద్‌నగర్ పరిధిలోని జత్‌పురా పంచాయతీ భవనంలో జరిగిన సమావేశంలో గ్రామ సర్పంచ్ (ప్రధాన్) మరియు పంచాయతీ అసిస్టెంట్ మధ్య తీవ్ర స్థాయిలో గొడవ చెలరేగింది.

ప్రాథమిక సమాచారం ప్రకారం, ప్రధాన్ ఉస్మాన్ అలీ మరియు పంచాయతీ అసిస్టెంట్ షకీల్ అహ్మద్ ఇద్దరూ తీవ్ర వాగ్వాదానికి దిగి, ఆ తర్వాత కర్రలు, కుర్చీలతో ఒకరిపై ఒకరు దాడి చేసుకున్నట్లు తెలుస్తోంది.

ఈ ఘర్షణ తీవ్రరూపం దాల్చడంతో తనను తాను కాపాడుకోవడానికి ఉస్మాన్ అలీ ఒక గదిలోకి వెళ్లి తలుపులు వేసుకున్నట్లు సమాచారం. ఈ గొడవకు గల అసలు కారణం, గాయపడిన వారి గురించిన మరిన్ని వివరాలు ఇంకా వెల్లడి కావాల్సి ఉంది.