“నువ్వు అక్కడికి వెళ్లు.. తోసేసిన బాలుడు!” మెట్లపై నుంచి దొర్లిపడ్డ పసికందు: వైరల్ అవుతున్న షాకింగ్ వీడియో.!!

సామాజిక మాధ్యమం X (ట్విట్టర్) వేదికగా షేర్ అయిన ఓ వీడియో నెటిజన్లలో తీవ్ర దిగ్భ్రాంతిని, చర్చను రేకెత్తించింది.

ఆ వీడియోలో, మేడ మెట్ల పైభాగంలో వాకర్‌లో కూర్చున్న ఓ పసికందు నిలబడి ఉంది.

అదే సమయంలో అక్కడికి వచ్చిన మరో బాలుడు, కొన్ని క్షణాలు ఆలోచించి, ఆ పసికందును మెట్లపై నుంచి నిర్దాక్షిణ్యంగా కిందకు తోసేశాడు. ఇంట్లో అందరి దృష్టీ కొత్తగా పుట్టిన పసిపాపపై పడటంతో ఏర్పడిన అసూయా ద్వేషాల వల్ల ఇలా చేశాడా? లేక మెట్లపై నుంచి పడితే ఏం జరుగుతుందో తెలియని అమాయకత్వమా? అంటూ నెటిజన్లు రకరకాలుగా ప్రశ్నిస్తున్నారు.

ఈ వీడియోపై స్పందించిన పలువురు నెటిజన్లు.. చిన్న పిల్లలకు సాటి చిన్నారుల భద్రత పట్ల ఎలాంటి అవగాహన ఉండదని పేర్కొన్నారు. మెట్లు, బాల్కనీల వంటి ప్రమాదకర ప్రాంతాల్లో పెద్దల పర్యవేక్షణ లేకుండా పిల్లలను ఒంటరిగా వదిలేయడమే ఇలాంటి అనర్థాలకు ప్రధాన కారణమని గట్టిగా హెచ్చరిస్తున్నారు.