నీట్ (NEET) పరీక్ష రాసి వైద్యం చదవాలని తహతహలాడుతున్న 71 ఏళ్ల వృద్ధుడు అలహాబాద్ హైకోర్టులో దాఖలు చేసిన ఒక కేసు ఇప్పుడు ఇంటర్నెట్లో తీవ్ర చర్చకు దారితీసింది.
అశోక్ బగార్ అనే ఆ వృద్ధుడు, వైద్య విద్యా కోర్సులలో (MBBS) చేరే సీనియర్ సిటిజన్లకు (వృద్ధులకు) 1 శాతం రిజర్వేషన్ కల్పించాలని తన పిటిషన్లో కోరారు.
చదువుకు వయసుతో నిమిత్తం లేదని నిరూపించేలా, ఆయన ఈ వయసులో కూడా నీట్ పరీక్ష కోసం తీవ్రంగా శ్రమిస్తున్నారు. వృద్ధులకు కూడా వైద్య విద్యలో అవకాశం కల్పించాలనే ఆయన వినూత్న డిమాండ్ సోషల్ మీడియాలో చాలా మంది దృష్టిని ఆకర్షించింది.
ఈ కేసు ఈ జూలై 21వ తేదీన విచారణకు రానుంది. ఇది వైద్య విద్యా ప్రవేశాలలో ఏవైనా కొత్త మార్పులను తీసుకువస్తుందా అనే ఆసక్తి అందరిలోనూ నెలకొంది.