ఒకప్పుడు అగ్రనటిగా వెలుగొందిన కస్తూరి, ఒక యూట్యూబ్ ఛానల్కు ఇచ్చిన ఇంటర్వ్యూలో సినీ ప్రముఖులపై సోషల్ మీడియాలో వచ్చే పుకార్లు, అసత్య వార్తల గురించి తన ఆవేదనను వ్యక్తం చేశారు.
ముఖ్యంగా, డబ్బు కోసం మరియు యూట్యూబ్ ‘వ్యూస్’ (Views) కోసం నటీమణులపై కొందరు దుష్ప్రచారం చేస్తున్నారని ఆమె మండిపడ్డారు. తనకు మద్యపాన అలవాటు లేదని, అసలు తానెప్పుడూ మద్యం తాగనని స్పష్టం చేసిన కస్తూరి, గతంలో ఒక చర్చా కార్యక్రమంలో ముక్తార్ అనే వ్యక్తి తాను 40 వేల రూపాయల మద్యం సేవించానని అబద్ధపు ప్రచారం చేశారని గుర్తుచేశారు. ఒక వివాహ వేడుకలో తన స్నేహితురాలితో కలిసి సరదాగా డ్యాన్స్ చేస్తున్న వీడియోను, ఎవరో సోషల్ మీడియాలో “బార్లో మద్యం తాగి డ్యాన్స్ చేస్తోంది” అని తప్పుగా చిత్రీకరించడం వల్ల తన స్నేహితురాలు ఎంతో మనోవేదనకు గురైందని ఆమె పేర్కొన్నారు.
చెన్నై వంటి నగరాల్లో ఎన్నో బార్లు, పబ్లు, వైన్ షాపులు ఉన్నాయని, అక్కడికి కేవలం సినీ పరిశ్రమకు చెందిన వారు మాత్రమే వెళ్తారా? అని ప్రశ్నించిన ఆమె, అక్కడకు వెళ్లే సాధారణ ప్రజలను వదిలేసి, కేవలం సినీ నటులను మాత్రమే టార్గెట్ చేసి ఎందుకు విమర్శిస్తున్నారని తన ఇంటర్వ్యూలో నిలదీశారు.