క్రైమ్ న్యూస్: భార్యకు ఇతర పురుషులతో ఉన్న అక్రమ సంబంధాలు మరియు ఆమె చేస్తున్న నిరంతర మానసిక వేధింపులను తట్టుకోలేక ఒక యువకుడు ఉరివేసుకుని ఆత్మహత్య చేసుకున్నాడు. ఈ కేసులో భర్తను ఆత్మహత్యకు ప్రేరేపించినందుకు పోలీసులు సదరు భార్యపై కేసు నమోదు చేశారు.
మధ్యప్రదేశ్‌లోని జబల్‌పూర్‌లో ఈ ఘటన జరిగింది. మృతుడి పేరు దీపక్ వర్మ.
భార్య వివాహేతర సంబంధాలు: దీపక్ గత నెలలో తన ఇంట్లోని ఫ్యాన్‌కు దుప్పటితో ఉరివేసుకుని ఆత్మహత్య చేసుకున్నాడు. ఈ ఘటనపై పోలీసులు విచారణ చేపట్టగా, మృతుడి బంధువులు కీలక విషయాలు వెల్లడించారు. బంధువుల సమాచారం ప్రకారం, దీపక్ భార్యకు పెళ్లయినప్పటికీ ఇతర పురుషులతో సంబంధాలు ఉన్నాయి. దీపక్ ఆమెకు నచ్చజెప్పే ప్రయత్నం చేసినా ఆమె ప్రవర్తన మార్చుకోలేదు, పైగా ఇద్దరి మధ్య తరచూ గొడవలు జరిగేవి.
‘నువ్వు పోయి చావు..’: గత ఏడాది కాలంగా దీపక్ తీవ్ర మానసిక ఒత్తిడిలో ఉన్నాడు. అతను భార్యను వారించినప్పుడల్లా, ఆమె “నీకు నచ్చింది చేసుకో, పోయి చావు” అంటూ వెక్కిరించేది. భార్య వేధింపుల వల్లే దీపక్ ఈ తీవ్ర నిర్ణయం తీసుకున్నట్లు పోలీసులు ప్రాథమికంగా నిర్ధారించారు.
‘నేను నీ పేరు రాయడం లేదు’: ఆత్మహత్యకు ముందు దీపక్ వాట్సాప్ చాట్‌లో తన ఆవేదనను వ్యక్తం చేశాడు. “నీ వల్లే నేను చనిపోతున్నాను, కానీ నేను నీ పేరు ఎక్కడా రాయడం లేదు” అని మెసేజ్ చేశాడు. ఈ సందేశం ద్వారా తన మరణానికి భార్యయే కారణమని స్పష్టమైంది. గోరఖ్‌పూర్ పోలీస్ స్టేషన్ ఇన్-చార్జ్ నితిన్ కమల్ మాట్లాడుతూ.. విచారణ తర్వాత నిందితురాలైన భార్యపై కేసు నమోదు చేశామని, ప్రస్తుతం ఆమె పరారీలో ఉందని తెలిపారు.