పక్కింటి నుంచి లైంగిక శబ్దాలు.. తగ్గించుకోవాలంటూ చిట్కాలతో లేఖ రాసిన పొరుగువాడు.. చివర్లో ఊహించని ట్విస్ట్!

పొరుగువారితో (Neighbors) ఏదో ఒక విషయంలో ఇబ్బందులు పడటం చాలామందికి సాధారణంగా జరిగేదే. వారి ప్రవర్తననో, లేక మరేదైనా కారణమో పక్కింటి వారికి నచ్చకపోవచ్చు. కానీ, బ్రిటన్‌కు చెందిన ఒక కుటుంబానికి తమ పొరుగువారి వల్ల ఎదురైన సమస్య మాత్రం చాలా వింతైనది, కాస్త ఇబ్బందికరమైనది కూడా.

నిజానికి ఆ వ్యక్తికి తరచూ పక్కింటి నుంచి కొన్ని ‘వింత శబ్దాలు’ వినిపించేవి. ఆ శబ్దాలు దంపతులు శృంగారంలో (Intimacy) పాల్గొంటున్నప్పుడు వచ్చే శబ్దాల్లా అతనికి అనిపించాయి. దీంతో విసిగిపోయిన ఆ పొరుగువాడు నేరుగా ఓ లేఖ రాసి తన సమస్యను తెలియజేశాడు. అంతటితో ఆగకుండా, ఆ శబ్దాలు బయటకు రాకుండా ఉండటానికి కొన్ని చిట్కాలు (Tips) కూడా ఇచ్చాడు!

సోషల్ మీడియాలో లేఖ వైరల్
ఈ వింత ఘటనకు సంబంధించిన వివరాలను ‘డెలిరియస్ డాటర్’ (Delirious Daughter) అనే మహిళ తన ఎక్స్ (ట్విట్టర్) ఖాతాలో పంచుకుంది. పొరుగువారి ఏజెంట్ నుంచి తన కుమార్తెకు అందిన ఆ ఫిర్యాదు లేఖను ఆమె సోషల్ మీడియాలో షేర్ చేయడంతో ఇది వెలుగులోకి వచ్చింది.

ఆ లేఖలో పొరుగువాడు ఇలా ఫిర్యాదు చేశాడు..

“పక్కింటి నుంచి అంతరంగిక సంబంధాలు పెట్టుకునేటప్పుడు వచ్చే శబ్దాలు స్పష్టంగా వినబడుతున్నాయి. దీనివల్ల నా కుటుంబం ముందు నేను చాలా ఇబ్బందికరమైన పరిస్థితిని ఎదుర్కొంటున్నాను.

మా ఇంట్లో చిన్న పిల్లలు ఉన్నారు. వారి ముందు ఇలాంటి ‘లైంగిక శబ్దాలు’ (Sexual noises) వినడం మంచి అనుభూతిని ఇవ్వడం లేదు.” అని పేర్కొన్నాడు.

ఏజెంట్ ఇచ్చిన వింత చిట్కాలు!
హైలైట్ ఏంటంటే.. ఆ శబ్దాలను ఎలా తగ్గించుకోవాలో చెబుతూ ఆ లేఖలో కొన్ని చిట్కాలను కూడా జోడించారు.

లేఖలోని సూచనలు:

“మీ మంచం యొక్క హెడ్‌బోర్డ్ (Headboard) మరియు గోడకు మధ్య ఏదైనా వస్తువును లేదా కుషన్‌ను ఉంచండి, తద్వారా ఆ ఖటపట శబ్దాలు పక్కింటికి వినబడవు. అలాగే, మీరు సంబంధం పెట్టుకునేటప్పుడు కాస్త తక్కువ శబ్దం వచ్చేలా చూసుకోండి. మీ పక్కన పిల్లలున్న కుటుంబం నివసిస్తుందని గుర్తుంచుకోండి” అని ఏజెంట్ సూచించాడు.

అసలు ట్విస్ట్ తెలిస్తే షాక్ అవ్వాల్సిందే!
ఈ లేఖ సోషల్ మీడియాలో వైరల్ కావడంతో నెటిజన్లు రకరకాలుగా జోకులు పేల్చారు. కొందరైతే “ఈ లేఖను చక్కగా ఫోటో ఫ్రేమ్ కట్టించి ఇంట్లో తగిలించుకో” అంటూ కామెంట్లు చేశారు.

అయితే, ఈ వ్యవహారంపై ఆ మహిళ అసలు నిజాన్ని వెల్లడిస్తూ ఒక పెద్ద ట్విస్ట్ ఇచ్చింది. “నిజానికి నా కుమార్తెకు రెండు వారాల క్రితమే వెన్నుముక శస్త్రచికిత్స (Back Surgery) జరిగింది. ఆమె కనీసం సరిగ్గా కదలలేని స్థితిలో ఉంది. అలాంటప్పుడు ఆమె ఇలాంటి పనులు చేసే అవకాశమే లేదు. పైగా, వారి ఇంట్లో కనీసం హెడ్‌బోర్డ్ ఉన్న మంచం కూడా లేదు!” అని స్పష్టం చేసింది. దాంతో ఆ శబ్దాలు ఎక్కడి నుంచి వచ్చాయనేది ఇప్పుడు ఒక పెద్ద మిస్టరీగా మారింది.