ఇస్లామాబాద్: పాకిస్థాన్ క్రికెట్ జట్టు టీ20 ప్రపంచకప్‌లో తమ పేలవ ప్రదర్శనను కొనసాగిస్తోంది. ఆదివారం (మార్చి 15) బంగ్లాదేశ్‌తో జరిగిన మూడు వన్డేల సిరీస్‌ను కూడా పాకిస్థాన్ కోల్పోయింది. ఆటగాళ్ల చెత్త ప్రదర్శనపై పాక్ మాజీ స్టార్ ప్లేయర్ మరియు మాజీ సెలెక్టర్ కామ్రాన్ అక్మల్, పీసీబీ చీఫ్ మొహ్సిన్ నఖ్వీపై తీవ్రస్థాయిలో విమర్శలు గుప్పించారు.
నెదర్లాండ్స్ కూడా పాకిస్థాన్‌ను ఓడించాలనుకుంటుంది.. బంగ్లాదేశ్ చేతిలో సిరీస్ ఓటమి తర్వాత అక్మల్ మాట్లాడుతూ, “ప్రస్తుత పరిస్థితుల్లో నెదర్లాండ్స్ వంటి చిన్న జట్టు కూడా పాకిస్థాన్‌తో సిరీస్ ఆడి, వారిని ఓడించి టెస్ట్ హోదా పొందాలని ఆశపడుతుంది. పాక్ క్రికెట్ పరిస్థితి అంత దారుణంగా తయారైంది. లిటన్ దాస్ నెమ్మదిగా ఆడినా, మనం బంగ్లాదేశ్‌ను అడ్డుకోలేకపోయాం” అని వాపోయారు.
ఐసీసీ ట్రోఫీలను దొంగిలించి ఇంటికి తెచ్చుకుంటారా? పీసీబీ చీఫ్ మొహ్సిన్ నఖ్వీపై అక్మల్ నిప్పులు చెరిగారు. 2025 ఆసియా కప్ విజేతగా నిలిచిన భారత్ ట్రోఫీని తీసుకోవడానికి నిరాకరించినప్పుడు, నఖ్వీ దానిని తన వద్దే ఉంచుకున్నారని ఆరోపణలు ఉన్నాయి. దీనిపై స్పందిస్తూ అక్మల్, “మైదానంలో జట్లను ఓడించలేనప్పుడు, ఇప్పుడు ఐసీసీ ట్రోఫీలను దొంగిలించి ఇంటికి తెచ్చుకుంటారా?” అని ఘాటుగా ప్రశ్నించారు.
డీఆర్‌ఎస్ (DRS) వివాదం: చివరి ఓవర్‌లో పాకిస్థాన్‌కు 14 పరుగులు అవసరమైనప్పుడు ఒక డీఆర్‌ఎస్ నిర్ణయం వివాదాస్పదమైంది. నిర్ణీత 15 సెకన్ల సమయం ముగిసిన తర్వాత, స్టేడియం స్క్రీన్‌పై రిప్లే చూసి బంగ్లాదేశ్ రివ్యూ తీసుకుందని పాక్ ఆరోపిస్తోంది. దీనిపై పాక్ కోచ్ మైక్ హెసన్ మ్యాచ్ రెఫరీకి ఫిర్యాదు చేశారు.