కొత్త స్మార్ట్ఫోన్ కొనేటప్పుడు పాత ఫోన్ను అమ్మేయడం ఈ రోజుల్లో సర్వసాధారణం అయిపోయింది.
అయితే, కొద్దిగా అజాగ్రత్తగా ఉన్నా మన వ్యక్తిగత ఫోటోలు, బ్యాంకింగ్ వివరాలతో సహా అన్ని రకాల డేటా వేరే వాళ్ల చేతుల్లోకి వెళ్లే ప్రమాదం ఉంది. కేవలం ఫోన్ను ‘రీసెట్’ చేసి అవతలి వారికి ఇచ్చేస్తే సరిపోదు, మీ సమాచారం పూర్తిగా సురక్షితం కాదు. ఐడెంటిటీ దొంగతనాలు (Identity Theft), సైబర్ మోసాల నుండి మిమ్మల్ని మీరు రక్షించుకోవడానికి.. ఫోన్ను వేరొకరికి ఇచ్చే ముందు ఈ 4 పనులు తప్పనిసరిగా చేయండి:
- ముఖ్యమైన డేటా మొత్తాన్ని ‘బ్యాకప్’ చేయండి
ఫోన్ అమ్మేయడానికి ముందు మీ ఫోటోలు, కాంటాక్టులు, ముఖ్యమైన డాక్యుమెంట్లు, చాట్స్ వంటివి ఏవీ పోకుండా చూసుకోవాలి. దీని కోసం గూగుల్ డ్రైవ్ (Google Drive), ఐక్లౌడ్ (iCloud) వంటి క్లౌడ్ స్టోరేజ్లలోకి గానీ లేదా కంప్యూటర్లోకి గానీ మీ డేటాను సురక్షితంగా బదిలీ చేసి బ్యాకప్ తీసుకోండి. - అన్ని అకౌంట్ల నుండి ‘సైన్ అవుట్’ (Log Out) అవ్వండి
కేవలం ఫైళ్లను డిలీట్ చేస్తే సరిపోదు, ఫోన్లోని అన్ని అకౌంట్లను సరిగ్గా లాగ్ అవుట్ చేయాలి.
ఆండ్రాయిడ్ వినియోగదారులు: గూగుల్ అకౌంట్ లాగ్ అవుట్ చేయండి, ‘Find My Device’ ఫీచర్ను ఆఫ్ చేయండి మరియు ఫోన్లోని అన్ని గూగుల్ ప్రొఫైళ్లను తొలగించండి.
ఐఫోన్ వినియోగదారులు: మీ ఆపిల్ ఐడీ (Apple ID)ని సైన్ అవుట్ చేయండి, ‘Find My iPhone’ ఆఫ్ చేయండి మరియు ఐక్లౌడ్ అన్లింక్ చేయండి. (ఈ పని చేయకపోతే ఫోన్కు ‘Activation Lock’ పడి, కొనుక్కున్న వ్యక్తి ఆ ఫోన్ను ఉపయోగించలేడు).
- బ్యాంకింగ్, యూపీఐ (UPI) యాప్లను లాగ్ అవుట్ చేయండి
యాప్లను కేవలం అన్ఇన్స్టాల్ చేస్తే సరిపోదు, వాటి లాగిన్ వివరాలు ఫోన్ మెమొరీలో అలాగే ఉండిపోయే అవకాశం ఉంది. అందువల్ల గూగుల్ పే (Google Pay), ఫోన్ పే (PhonePe), పేటీఎం (Paytm) వంటి యూపీఐ యాప్లను, బ్యాంకింగ్ యాప్లను మరియు డిజిటల్ వాలెట్లను పూర్తిగా లాగ్ అవుట్ చేసిన తర్వాతే ఫోన్ నుండి తొలగించండి. - ఫ్యాక్టరీ రీసెట్ (Factory Reset) చేయండి
పైన పేర్కొన్న పనులన్నీ పూర్తి చేసిన తర్వాత, చివరిగా ఫోన్ను ‘ఫ్యాక్టరీ రీసెట్’ చేయండి. ఇది ఫోన్లోని ఫోటోలు, మెసేజ్లు, సెట్టింగ్స్ అన్నింటినీ పూర్తిగా తుడిచివేసి, ఫోన్ను సరికొత్త స్థితికి (కంపెనీ నుండి కొన్నప్పటి రూపంలోకి) మారుస్తుంది. మరింత భద్రత కోసం, లోపల ఎలాంటి డేటా మిగలకుండా ఉండటానికి రెండు సార్లు రీసెట్ చేయడం చాలా మంచిది.