నేటి కాలంలో ఆధార్ మరియు పాన్ కార్డ్ అనేవి అత్యంత ముఖ్యమైన పత్రాలు. మీరు ఆదాయపు పన్ను చెల్లిస్తుండి, ఇప్పటికీ మీ పాన్ కార్డును ఆధార్‌తో లింక్ చేయకపోతే వెంటనే పూర్తి చేయండి. ఎందుకంటే మీకు రేపు అంటే డిసెంబర్ 31, 2025 వరకు మాత్రమే సమయం ఉంది.
ఆ తర్వాత మీ పాన్ కార్డ్ ‘ఇన్-యాక్టివ్’ అవుతుంది. దీనివల్ల మీరు ఇన్‌కమ్ టాక్స్ రిటర్న్స్ (ITR) ఫైల్ చేయలేరు మరియు రావాల్సిన రీఫండ్‌లు కూడా ఆగిపోతాయి. ఈ పనిని మీరు ఇంట్లోనే కూర్చుని ఆన్‌లైన్ ద్వారా సులభంగా పూర్తి చేయవచ్చు.
ఎవరికి ఇది తప్పనిసరి?
- ఆదాయపు పన్ను చెల్లించే ప్రతి ఒక్కరికీ.
- 1 అక్టోబర్ 2024 కంటే ముందు ఆధార్ నంబర్ ఉపయోగించి పాన్ కార్డ్ పొందిన వారికి.
ఆన్‌లైన్‌లో లింక్ చేసే విధానం:
- ముందుగా ఆదాయపు పన్ను శాఖ అధికారిక వెబ్‌సైట్ incometax.gov.in కి వెళ్లండి.
- హోమ్ పేజీలో ఎడమవైపు ఉన్న ‘Quick Links’ విభాగంలో ‘Link Aadhaar’ ఆప్షన్‌ను క్లిక్ చేయండి.
- అక్కడ మీ పాన్ (PAN) నంబర్, ఆధార్ నంబర్ మరియు మొబైల్ నంబర్ వివరాలను నమోదు చేయండి.
- మీ రిజిస్టర్డ్ మొబైల్ నంబర్‌కు వచ్చే OTPని ఎంటర్ చేసి ‘Validate’ పై క్లిక్ చేయండి.
- వెరిఫికేషన్ పూర్తయిన తర్వాత మీ పాన్-ఆధార్ లింక్ అవుతుంది.
లింకింగ్ స్టేటస్ చెక్ చేసుకోవడం ఎలా?
మీ కార్డ్ ఇప్పటికే లింక్ అయ్యిందో లేదో తెలుసుకోవడానికి:
- ఈ-ఫైలింగ్ పోర్టల్‌లో ‘Link Aadhaar Status’ ఆప్షన్‌పై క్లిక్ చేయండి.
- మీ పాన్ మరియు ఆధార్ నంబర్‌లను నమోదు చేయండి.
- లింక్ అయ్యి ఉంటే గ్రీన్ టిక్ మార్క్ కనిపిస్తుంది.