వర్షాకాలం రాగానే పాములు, కీటకాలు ఇళ్లలోకి వచ్చే అవకాశం ఎక్కువగా ఉంటుంది. ముఖ్యంగా మీ ఇల్లు పార్కులు, అడవులు, చెరువులు, కాలువలు లేదా కొండల సమీపంలో ఉంటే ఈ ప్రమాదం మరింత ఎక్కువగా ఉంటుంది. కొన్ని పాములు అత్యంత విషపూరితమైనవి, అవి కాటేస్తే ప్రాణాపాయం కూడా ఉండవచ్చు. వర్షాకాలంలో పాములను ఇంటికి రాకుండా జాగ్రత్త పడటానికి, కొన్ని సులభమైన చిట్కాలను పాటిస్తే సరిపోతుంది.
ఇంట్లోకి పాములు రాకుండా ఉండేందుకు ఏం చేయాలి?
- పరిశుభ్రత: ఇంటి చుట్టుపక్కల ప్రాంతాలను ఎప్పుడూ శుభ్రంగా ఉంచుకోవాలి. చిన్న చిన్న మొక్కలు, పొదలను క్రమ పద్ధతిలో కత్తిరించాలి.
- ఎలుకల నివారణ: పాములు ఎలుకలను వేటాడటానికి వస్తాయి, కాబట్టి ఇంట్లో ఎలుకల సమస్య ఉంటే వెంటనే నివారించాలి.
- ద్వారాల మూసివేత: కిటికీలు, తలుపుల మధ్య ఉన్న సందులను పూర్తిగా మూసివేయాలి.
- ఫినాయిల్ వాడకం: ఇంటి పరిసరాల్లో ఫినాయిల్ చల్లడం వల్ల పాములు రాకుండా ఉంటాయి.
పాములు దేనికి భయపడతాయి?
పాములు సాధారణంగా మనుషులకు భయపడతాయి. అదేవిధంగా ముంగిసలు, గుడ్లగూబలు, పెద్ద పక్షులను చూసి కూడా భయపడతాయి. ఇవి కాకుండా మంట, పెద్ద శబ్దాలకు కూడా పాములు దూరంగా వెళ్తాయి. వెల్లుల్లి, ఉల్లిపాయ, వెనిగర్ మరియు పుదీనా (Mint) వంటి వాటికి ఉండే ఘాటైన వాసనలను పాములు అస్సలు భరించలేవు.
పాములను దూరం చేసే మొక్కలు
మీ ఇంటి బాల్కనీలో, ఆవరణలో లేదా మేడపై కింది మొక్కలను నాటడం వల్ల పాములు మీ ఇంటి దరిదాపుల్లోకి కూడా రావు:
- స్నేక్ ప్లాంట్ (Snake Plant)
- బంతి పూల మొక్కలు (Marigold)
- లెమన్గ్రాస్ (Lemongrass)
- తులసి (Tulsi)
- నాగదోన (Mugwort/Artemisia)
- క్యాక్టస్ (Cactus)
పాము ఇంట్లోకి వస్తే ఏం చేయాలి?
- భయపడకండి: ఒకవేళ ఇంట్లోకి పాము వస్తే అస్సలు భయపడకండి. ఇంటికి ఒకటి రెండు కిటికీలు లేదా తలుపులు తెరిచి ఉంచండి, తద్వారా పాము బయటకు వెళ్లే వీలుంటుంది.
- ఫినాయిల్ లేదా కిరోసిన్: ఫినాయిల్ లేదా కిరోసిన్ వాసన పాములకు నచ్చదు, కాబట్టి వాటిని చల్లడం ద్వారా పామును బయటకు పంపవచ్చు.
- లవంగం & దాల్చినచెక్క నూనె: లవంగం, దాల్చినచెక్క నూనెలను సమానంగా కలిపి, పాము ఉన్న చోట స్ప్రే చేయవచ్చు. దీని వాసనతో పాము పారిపోతుంది.
- పామును ముట్టుకోవద్దు: ఒకవేళ పాము విషపూరితమైనది అయితే దాన్ని అస్సలు కెలికితే వేధింపులకు గురి చేయకండి. వెంటనే ఇంటి సభ్యులందరినీ సురక్షిత ప్రాంతానికి తరలించి, ‘స్నేక్ హెల్ప్లైన్’కి ఫోన్ చేసి నిపుణులను పిలిపించండి.
ఇతర చిట్కాలు
- గరుడ వృక్షం (Garud Tree): గరుడ వృక్షం లేదా గరుడ ఫలాన్ని ఇంటి బయట ఉంచడం వల్ల విషపూరిత జీవులు దూరంగా ఉంటాయి. ఈ ఫలం చూడటానికి పాము ఆకారంలో ఉంటుంది మరియు ఇది పాము విషాన్ని విరుగుడు చేసే ఔషధ గుణాలను కలిగి ఉంటుంది.
- సర్పగంధ (Sarpgandha): ఈ మొక్క పేరులోనే ‘సర్ప’ అని ఉంది. ఈ మొక్క నుండి వచ్చే ఘాటైన వాసన వల్ల పాములు దీని జోలికి రావు.
గమనిక: ఈ సమాచారం కేవలం సాధారణ అవగాహన కోసం మాత్రమే. ఇది ఎటువంటి వైద్య సలహాకు ప్రత్యామ్నాయం కాదు. పాము కాటుకు గురైతే వెంటనే సమీపంలోని ఆసుపత్రికి వెళ్లి వైద్యులను సంప్రదించాలి.