14 ఏళ్ల బాలికపై చర్చి పాస్టర్ పదేపదే లైంగిక దాడికి పాల్పడినట్లు ఫిర్యాదు అందింది. ఆంధ్రప్రదేశ్లోని ఏలూరు జిల్లా కామవరపుకోటలో ఈ ఘటన జరిగింది. 42 ఏళ్ల రాంబాబు అనే పాస్టర్ ఆ బాలికను పలుమార్లు లైంగికంగా వేధించాడు.
బాలిక చర్చికి ప్రార్థన కోసం వచ్చిన సమయంలో ఈ ఘటనలు జరిగాయి. కూలీ పనులు చేసుకుంటూ జీవించే ఆ బాలిక కుటుంబం క్రమం తప్పకుండా ప్రార్థనల కోసం చర్చికి వెళ్లేవారు.
బాలికకు నెలసరి రాకపోవడంతో (ఆగిపోవడంతో), పాస్టర్ ఆమెతో బలవంతంగా అమిత మోతాదులో గర్భనిరోధక మాత్రలను మింగించాడు. మాత్రలు వేసుకోవడం వల్ల తీవ్ర రక్తస్రావం జరగడంతో, బాలిక చివరకు అసలు విషయాన్ని తన తల్లికి వెల్లడించింది.
బాలిక పరిస్థితి విషమించడంతో ఆమెను ఏలూరులోని ఆసుపత్రికి తరలించారు. ఈ ఘటనపై కేసు నమోదు చేశామని, నిందితుడు పరారీలో ఉన్నాడని తడికలపూడి సబ్ ఇన్స్పెక్టర్ తెలిపారు.