ఇంట్లో ఎంత పూజ చేసినా, ఎంత సంపాదించినా డబ్బు నిలవడం లేదా? చేతికి వచ్చిన డబ్బు వచ్చినట్లు ఖర్చైపోతోందా? దీనికి కారణం మీ పూజా గదిలో మీకు తెలియకుండానే చేస్తున్న చిన్న చిన్న పొరపాట్లు కావచ్చు. ఇంట్లో సంపద పెరగాలన్నా, మహాలక్షీ కటాక్షం ఉండాలన్నా పూజా గదిలో కొన్ని మార్పులు చేయడం అవసరం.
1. కల్లుప్పు మరియు నిమ్మకాయ: మహాలక్ష్మి అంశగా పిలువబడే వస్తువు ‘కల్లుప్పు’. ఒక చిన్న గాజు లేదా పింగాణీ గిన్నెలో కల్లుప్పు నింపి, దాని మధ్యలో ఒక నిమ్మకాయను ఉంచండి. వారానికోసారి ఆ ఉప్పును నీటిలో కలిపేసి, కొత్త ఉప్పును నింపండి. దీనివల్ల ఇంట్లో గొడవలు తగ్గి, ప్రతికూల శక్తులు నశిస్తాయి. అదృష్టం మిమ్మల్ని వెతుక్కుంటూ వస్తుంది.
2. దీపపు వత్తులతో అదృష్టం: మనం దీపం వెలిగించే వత్తులకు ఒక్కో గుణం ఉంటుంది:
- తామర కాడ వత్తులు: గత జన్మ పాపాలను తొలగించి, కులదైవం అనుగ్రహాన్ని కలిగిస్తాయి.
- అరటి నారు వత్తులు: తెలియక చేసిన తప్పులను, శాపాలను నివారిస్తాయి.
- పసుపు వత్తులు: సంపద పెరగడానికి ఇవి చాలా ముఖ్యం. ఆగిపోయిన పనులు విజయవంతం కావడానికి ఇవి తోడ్పడతాయి.
3. దీపపు నీడ విగ్రహంపై పడకూడదు: చాలామంది దీపాన్ని విగ్రహానికి దగ్గరగా పెడతారు, దీనివల్ల విగ్రహం ముఖం నీడలో కలిసిపోతుంది. ఇది ఇంట్లో ‘అజ్ఞానాన్ని’ సూచిస్తుంది. దీపాన్ని విగ్రహానికి కొంచెం దూరంగా ఉంచి, వెలుతురు విగ్రహంపై పడేలా చూడటమే సరైన పద్ధతి.
4. గోమతీ చక్రాలు మరియు కవడలు: పూజా గదిలో 11 గోమతీ చక్రాలు, 11 తెల్లని కవడలను ఒక పసుపు బట్టలో కట్టి ఉంచండి. ఇది కుబేరుని ఖజానా లాగా పనిచేస్తుంది. డబ్బు వచ్చి కూడా నిలవడం లేదు అనేవారికి ఇది అద్భుత ఫలితాలను ఇస్తుంది.
5. ధనాకర్షణకు నాణేలు: ఒక ఇత్తడి గిన్నెలో పచ్చ కర్పూరం, యాలకులతో పాటు ఐదు రూపాయి నాణేలను ఉంచండి. ఇది ధనాన్ని ఆకర్షించే శక్తిని కలిగి ఉంటుంది. ఈ నాణేలను ఎప్పుడూ ఖర్చు చేయకూడదు.
6. పూజా గదిలో సువాసన: దేవతలు సువాసన ఉన్న చోట నివసిస్తారు. పూజా గదిలో ఎప్పుడూ ఒక పాత్రలో ‘వట్టివేరు’ లేదా ‘గంధపు పొడి’ కలిపిన నీటిని ఉంచండి. ఇది మానసిక ఒత్తిడిని తగ్గించి ఏకాగ్రతను పెంచుతుంది.
7. పసుపు వస్త్రం మ్యాజిక్: శుక్రవారం నాడు ఒక పసుపు బట్టలో వస (బజె), మూడు మిరియాలు, కొంచెం కల్లుప్పు వేసి మూట కట్టి గడప లోపల వేలాడదీయండి. ఇది ఇంట్లో సానుకూల శక్తిని 10 రెట్లు పెంచుతుంది.
8. పటాల అమరిక: పూజా గదిలో కుడి మూలలో గణపతి ఉండాలి. మధ్యలో మీ ఇష్ట దైవం ఉండాలి. చనిపోయిన పెద్దల ఫోటోలను ఎప్పుడూ దేవుడి పటాలతో కలిపి ఉంచకూడదు. వారిని దక్షిణ దిశలో విడిగా ఉంచడం శ్రేయస్కరం.
9. ఆరా (Aura) శుద్ధి: ఉదయం స్నానం తర్వాత తమలపాకుపై పచ్చ కర్పూరం వెలిగించి ఇల్లంతా చూపండి. ఆ విభూతిని నుదుటన ధరించండి. దీనివల్ల మీ చుట్టూ ఉన్న ఆరా శుద్ధి అవుతుంది. పూజా గదిలో ఒక అద్దాన్ని తూర్పు వైపు చూస్తున్నట్లు పెడితే వాస్తు దోషాలన్నీ తొలగిపోతాయి.